Texts

devabarhiḥ śatavalśaṃ virohety ālavān pratyabhimṛśati // (1) Par.?

sahasravalśā vi vayaṃ ruhemety ātmānam // (2) Par.?

athainat saṃbharati pṛthivyā saṃpṛcaḥ pāhi susaṃbhṛtā tvā saṃbharāmīti // (3) Par.?

ata eva barhiṣaḥ śulbaṃ karoti tridhātu pañcadhātu vā // (4) Par.?

ayupito yonir iti śulbam āveṣṭayati // (5) Par.?

adityai rāsnāsīti pratidadhāti // (6) Par.?

tatraiṣo 'tyantapradeśo yāni kāni ca śulbāni na samasyante pradakṣiṇaṃ tāny āveṣṭayet // (7) Par.?

atha yāni samasyante prasavyaṃ teṣāṃ guṇam āveṣṭya pradakṣiṇam abhisamasyet // (8) Par.?

udagagraṃ śulbaṃ nidhāya tasmin prāgagraṃ barhir nidadhāti // (9) Par.?

alubhito yonir ity uttame nidhane prastaram atyādadhāti // (10) Par.?

athainat saṃnahyatīndrāṇyai saṃnahanam iti // (11) Par.?

pūṣā te granthiṃ grathnātv iti granthiṃ karoti // (12) Par.?

sa te mā sthād iti paścāt prāñcam upagūhati // (13) Par.?

purastāt pratyañcam ity ekeṣām // (14) Par.?

athainad ārabhate / (15.1) Par.?

āpas tvām aśvinau tvām ṛṣayaḥ sapta māmṛjuḥ / (15.2) Par.?

barhiḥ sūryasya raśmibhir uṣasāṃ ketum ārabha iti // (15.3) Par.?

udyacchata indrasya tvā bāhubhyām udyaccha iti // (16) Par.?

śīrṣann adhinidhatte bṛhaspater mūrdhnā harāmīti // (17) Par.?

āharaty urv antarikṣam anvihīti // (18) Par.?

apareṇāhavanīyaṃ paridhīnāṃ kāle 'ntarvedy anadhaḥ sādayaty adityās tvopasthe sādayāmīti // (19) Par.?

devaṃgamam asīty āsannam abhimantrayate // (20) Par.?

uparīva prajñātaṃ nidadhāti // (21) Par.?