Texts

teṣāṃ dvādaśa dīkṣā dvādaśopasadaḥ saṃvatsaraṃ prasutāḥ // (1) Par.?

na saṃvatsare 'gniṃ cinvītety eka āhuḥ // (2) Par.?

cinvata u haike // (3) Par.?

prasiddhena karmaṇopavasathād yanti // (4) Par.?

teṣāṃ prasiddhaṃ jyotiṣṭomo vaiśvānaraḥ prāyaṇīyo 'tirātraḥ saṃtiṣṭhate // (5) Par.?

tasmin saṃsthite caturviṃśam ukthyam ārambhaṇīyam ubhayasāmānam upayanti // (6) Par.?

athābhiplavaṃ ṣaḍaham upayanti // (7) Par.?

jyotir agniṣṭomo gaur ukthya āyur ukthyo gaur ukthya āyur ukthyo jyotir agniṣṭomaḥ // (8) Par.?

taṃ catur upayanti // (9) Par.?

rathaṃtaraṃ bṛhad rathaṃtaraṃ bṛhad iti viparyāsaṃ pṛṣṭhe bhavataḥ // (10) Par.?

pṛṣṭhyaḥ ṣaḍahaḥ // (11) Par.?

sa māsaḥ // (12) Par.?

tenaivaṃ sampannena pañca māsān yanti // (13) Par.?

athaitaṃ ṣaṣṭhaṃ māsaṃ sambhāryaṃ saṃbharanti // (14) Par.?

trayo 'bhiplavāḥ ṣaḍahās tāny aṣṭādaśāhāni // (15) Par.?

prāyaṇīyārambhaṇīyau // (16) Par.?

tāni viṃśatir ahāni // (17) Par.?

pṛṣṭhyaḥ ṣaḍaho 'bhijit trayaḥ paraḥsāmānaḥ // (18) Par.?

sa māsaḥ // (19) Par.?

atha vaiṣuvatam // (20) Par.?

athaitaṃ vaiṣuvate 'hany ekaviṃśam agniṣṭomam upayanti bṛhatsāmānam // (21) Par.?

tasya sauryo 'tigrāhyaḥ sauryaḥ paśur upālambhyaḥ // (22) Par.?

taddhaitad eke divaivaitenāhnā pratipadyanta udita āditye divākīrtyam ahar iti vadantaḥ // (23) Par.?

yathaivānyeṣām ahnām evam upākuryād iti maudgalyaḥ // (24) Par.?

tasya mahādivākīrtyaṃ hotuḥ pṛṣṭhaṃ vikarṇaṃ brahmasāmaṃ bhāso 'gniṣṭomaḥ // (25) Par.?

athordhvaṃ vaiṣuvatāt trīn āvṛttān svarān upayanti // (26) Par.?

atha viśvajitam upayanti // (27) Par.?

athāvṛttaṃ pṛṣṭhyaṃ ṣaḍaham upayanti // (28) Par.?

trayastriṃśaprabhṛtyāgrayaṇāgram etad ahar bhavati // (29) Par.?

athāvṛttam evābhiplavaṃ ṣaḍaham upayanti // (30) Par.?