Texts

odanasavena yakṣyamāṇo bhavati sa upakalpayate rohitaṃ carmānaḍuhaṃ suvarṇarajatau ca rukmau śatamānaṃ ca pravartaṃ caturo varṇān brāhmaṇaṃ rājanyaṃ vaiśyaṃ śūdraṃ caturo rasān madhu surāṃ payo 'paś catvāri pātrāṇi sauvarṇaṃ rājataṃ kāṃsyaṃ mṛnmayaṃ catasro dakṣiṇāḥ śatamānaṃ hiraṇyaṃ tisṛdhanvam aṣṭrāṃ māṣaiḥ pūrṇaṃ kamaṇḍaluṃ catuṣṭayīḥ śalākāḥ parṇamayyau naiyagrodhyāv āśvatthyau phālgunapācyau catvāri nānāvṛkṣyāṇi pātrāṇi saktūṃs trīṇi darbhapuñjīlāny audumbaraṃ droṇaṃ catuḥsrakti catuṣṭayīr apo digbhyaḥ saṃbhṛtāḥ śataṃ ca rathaṃ ca // (1) Par.?

etenopakﾱptena rohiṇīm āyatīm uparamati // (2) Par.?

adya rohiṇyeti pūrvāgnim anvavasyaty uttapanīyaṃ śālīno 'nvāhāryapacanam āhitāgniḥ // (3) Par.?

athādhvaryur apararātra ādrutya saṃśāsty ekaudanaṃ śrapayateti // (4) Par.?

taṃ tathā śrapayanti yathā purādityasyodayācchṛto bhavati // (5) Par.?

udyatā sūryeṇa kārya iti brāhmaṇam // (6) Par.?

athaitam odanaṃ śrapayitvābhighāryodañcam udvāsayati // (7) Par.?

athaitāṃ pātrīṃ nirṇijyopastīrya tasyām enam asaṃghnann ivoddharati // (8) Par.?

sarpirāsecanaṃ kṛtvā prabhūtam ājyam ānīya // (9) Par.?

athaitāṃś caturo varṇān dakṣiṇata udaṅmukhān upaveśayati // (10) Par.?

athānvārabdhe yajamāne juhoti siṃhe vyāghra uta yā pṛdākāv iti catasraḥ sruvāhutīḥ // (11) Par.?

hutvā hutvaiva saṃsrāvaiḥ pravartam abhighārayati rāḍ asi virāḍ asi saṃrāḍ asi svarāḍ asīti // (12) Par.?

athaitaṃ pravartam agreṇāhavanīyaṃ paryāhṛtya dakṣiṇato nidadhāti // (13) Par.?