Texts

Help

Select a text:
Bibliography
Select a chapter:
 (no revisions)
Associated topic(s): ekāha, pañcaśāradīya

Show parallels  Show headlines
Use dependency labeler
Chapter id: 16531
  • Click on a sentence to show its analysis
  • Keep the mouse pointer over a lemma to show its meanings.
pañcaśāradīyena yakṣyamāṇo bhavati // (1) Par.?
sa upakalpayate saptadaśa niraṣṭān vatsatarān ekahāyanān // (2) Par.?
sa purastān mārgaśīrṣyai paurṇamāsyā āmāvāsyena haviṣeṣṭvā saptadaśa mārutīḥ pṛśnīr vatsatarīr ālabhate // (3) Par.?
abhiprokṣaṇato vatsatarān sthāpayitvotsṛjanti // (4) Par.?
athetarābhiḥ saṃsthāṃ kurvanti // (5) Par.?
saṃvatsare paryavete marudbhyaḥ sāṃtapanebhyaḥ saptadaśa pṛṣatīr vatsatarīr ālabhate // (6) Par.?
abhiprokṣaṇato vatsatarān sthāpayitvotsṛjanti // (7) Par.?
athetarābhir eva saṃsthāṃ kurvanti // (8) Par.?
dvitīye saṃvatsare paryavete marudbhyo gṛhamedhibhyaḥ saptadaśa kalmāṣīr vatsatarīr ālabhate // (9) Par.?
abhiprokṣaṇato vatsatarān sthāpayitvotsṛjanti // (10) Par.?
athetarābhir eva saṃsthāṃ kurvanti // (11) Par.?
tṛtīye saṃvatsare paryavete marudbhyaḥ krīḍibhyaḥ saptadaśāvaliptā vatsatarīr ālabhate // (12) Par.?
abhiprokṣaṇato vatsatarān sthāpayitvotsṛjanti // (13) Par.?
athetarābhir eva saṃsthāṃ kurvanti // (14) Par.?
caturthe saṃvatsare paryavete marudbhyaḥ svatavadbhyaḥ saptadaśa rājīvā vatsatarīr ālabhate // (15) Par.?
abhiprokṣaṇato vatsatarān sthāpayitvotsṛjanti // (16) Par.?
athetarābhir eva saṃsthāṃ kurvanti // (17) Par.?
etad evāhar dīkṣate // (18) Par.?
saṃvatsaram ukhyaṃ bibharti // (19) Par.?
dvādaśopasadaḥ // (20) Par.?
tasyāhāni trivṛd agniṣṭomaḥ pañcadaśa ukthyaḥ saptadaśa ukthyaḥ pañcadaśa ukthyaḥ saptadaśo 'tirātraḥ // (21) Par.?
tasya māruta stomo bhavati // (22) Par.?
athaiteṣāṃ paśūnāṃ trayaḥ prathame 'hann aindrāmārutā ukṣāṇaḥ savanīyā ālabhyante // (23) Par.?
evaṃ dvitīya evaṃ tṛtīya evaṃ caturthe // (24) Par.?
pañcottame 'hann ālabhyante // (25) Par.?
varṣiṣṭham iva hy etad ahar manyante varṣiṣṭhaḥ samānānāṃ bhavatīti brāhmaṇam // (26) Par.?
athaiteṣāṃ paśūnāṃ yadi naśyati mriyate vā yāśvamedhe prāyaścittis tāṃ kṛtvāthānyaṃ taddaivatyaṃ tadrūpaṃ tajjātīyaṃ paśum ālabhante // (27) Par.?
sa eṣa pañcaśāradīyo rājño vā brāhmaṇasya vā // (28) Par.?
yaḥ kāmayeta bahor bhūyān syām iti sa etena yajñakratunā yajeta // (29) Par.?
bahor eva bhūyān bhavati // (30) Par.?
Duration=0.064393997192383 secs.