Texts

Help

Select a text:
Bibliography
Select a chapter:
 (no revisions)
Associated topic(s): ekāha, mṛtyusava

Show parallels  Show headlines
Use dependency labeler
Chapter id: 16545
  • Click on a sentence to show its analysis
  • Keep the mouse pointer over a lemma to show its meanings.
atraitad dvādaśāhaṃ vrataṃ carati // (1) Par.?
sa yadi prāṅ vodaṅ voccarati cārmapakṣībhyāṃ kṣaumaṃ vasānaḥ // (2) Par.?
atha yadi dakṣiṇataḥ paścād vā vaiyāghrībhyāṃ vṛṣṇivāsasaṃ vasānaḥ // (3) Par.?
atha dvādaśasu vyuṣṭāsu dve sruvāhutī juhoti ye keśino narta iti dvābhyām // (4) Par.?
atha proṣṭham ārohaty āroha proṣṭhaṃ viṣahasva śatrūn iti // (5) Par.?
athāsya śiraḥ pramandayati yat sīmantaṃ kaṅkatas te lilekheti // (6) Par.?
athāsya keśān vapati yenāvapat savitā kṣureṇeti // (7) Par.?
pravapato 'numantrayate mā te keśān anugād varca etad iti // (8) Par.?
athainān samuccitya darbhastambe nidadhāti tebhyo nidhānaṃ bahudhā vyaicchan iti // (9) Par.?
athainam uṣṇodakenāplāvayati balaṃ te bāhuvoḥ savitā dadhātviti // (10) Par.?
tena haitena mṛtyur īje prajānām aiśvaryam ādhipatyaṃ rājyaṃ parīyām iti // (11) Par.?
tato vai sa prajānām aiśvaryam ādhipatyaṃ rājyaṃ paryait // (12) Par.?
yaḥ kāmayeta samānānām aiśvaryam ādhipatyaṃ rājyaṃ parīyām iti sa etena yajñakratunā yajeta // (13) Par.?
samānānām aiśvaryam ādhipatyaṃ rājyaṃ paryeti // (14) Par.?
atha haitena surathaḥ śaibya īja ātiṣṭhyaṃ paramatām iyām iti // (15) Par.?
tato vai sa ātiṣṭhyaṃ paramatām ait // (16) Par.?
yaḥ kāmayetātiṣṭhyaṃ paramatām iyām iti sa etena yajñakratunā yajeta // (17) Par.?
ātiṣṭhyaṃ haiva paramatām eti // (18) Par.?
Duration=0.054991006851196 secs.