Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agniṣṭoma
Show parallels Show headlines
Use dependency labeler
Chapter id: 16597
- Click on a sentence to show its analysis
- Keep the mouse pointer over a lemma to show its meanings.
Caland, Henry ﾧ17
atha yajamānāyatane kṛṣṇājinaṃ prācīnagrīvam uttaralomopastṛṇāti // (1) Par.?
tasya śuklakṛṣṇe saṃmṛśati śukle 'ṅguṣṭho bhavati kṛṣṇe 'ṅgulir ṛksāmayoḥ śilpe sthas te vām ārabhe te mā pātam āsya yajñasyodṛca iti // (2) Par.?
atha dakṣiṇaṃ jānv ācyābhisarpatīmāṃ dhiyaṃ śikṣamāṇasya deva kratuṃ dakṣaṃ varuṇa saṃśiśādhi / (3.1) Par.?
yayāti viśvā duritā tarema sutarmāṇam adhi nāvaṃ ruhemeti // (3.2) Par.?
athopasthaṃ kṛtvā pradakṣiṇaṃ mekhalāṃ paryasyati ūrg asy āṅgirasy ūrṇamradā ūrjaṃ me yaccheti // (4) Par.?
pāhi mā mā mā hiṃsīr iti niṣṭarkyaṃ granthiṃ grathnāti // (5) Par.?
etasmin kāle pratiprasthātā yoktreṇa patnīṃ saṃnahyaty āśāsānā saumanasaṃ saṃ tvā nahyāmīti dvābhyām // (6) Par.?
atha yajamānaṃ vāsasā prorṇoti viṣṇoḥ śarmāsi śarma yajamānasya śarma me yaccheti // (7) Par.?
vasanasyātīkāśeṣu vācayati nakṣatrāṇāṃ mātīkāśāt pāhīti // (8) Par.?
pratikṛṣya vasanasyāntān pradakṣiṇam uṣṇīṣeṇa śiro veṣṭayati śriyā te śiro veṣṭayāmi śriyai yaśase brahmavarcasāyeti // (9) Par.?
etasmin kāle pratiprasthātā patnyai kumbakurīram adhyūhati tūṣṇīm // (10) Par.?
athāsyaiṣā kṛṣṇaviṣāṇā trivalir vā pañcavalir vā śāṇyā rajjvā paritṛṇṇā maṇḍacaravad vigrathitā // (11) Par.?
tāṃ yajamānāya prayacchatīndrasya yonir asīti // (12) Par.?
mā mā hiṃsīr iti yajamānaḥ pratigṛhṇāti // (13) Par.?
tāṃ vasanasyāntamāyāṃ daśāyāṃ baddhvā tayāntarvedi loṣṭam uddhanti kṛṣyai tvā susasyāyā iti // (14) Par.?
supippalābhyas tvauṣadhībhya iti dakṣiṇaṃ godānaṃ kaṇḍūyate // (15) Par.?
etasmin kāle pratiprasthātā patnyai śaṅkum ābadhnāti etena kaṇḍūyasveti // (16) Par.?
athāsmā ūrdhvāgram audumbaraṃ daṇḍaṃ prayacchati mukhena saṃmitam sūpasthā devo vanaspatir iti // (17) Par.?
ūrdhvo mā pāhy odṛca iti yajamānaḥ pratigṛhṇāti // (18) Par.?
athainaṃ yajñasyānvārambhaṃ vācayati svāhā yajñaṃ manasā svāhā dyāvāpṛthivībhyām svāhoror antarikṣāt svāhā yajñaṃ vātād ārabha iti // (19) Par.?
atra muṣṭīkaroti vācaṃ yacchati // (20) Par.?
Caland, Henry ﾧ18
athāha adīkṣiṣṭāyaṃ brāhmaṇo 'sāv itthaṃgotro 'muṣya putro 'muṣya pautro 'muṣya naptā tam indrāyendrāgnibhyāṃ vasubhyo rudrebhya ādityebhyo viśvebhyo devebhyo brāhmaṇebhyaś ca somapebhyaḥ prabrūma iti // (21) Par.?
trir upāṃśv āha // (22) Par.?
devebhya evainaṃ prāha // (23) Par.?
trir uccair upaniṣkramya // (24) Par.?
ubhayebhya evainaṃ devamanuṣyebhyaḥ prāheti brāhmaṇam // (25) Par.?
athainaṃ saṃśāsti // (26) Par.?
Duration=0.078160047531128 secs.