Texts

dīkṣito 'si dīkṣitavādaṃ vada satyam eva vada mānṛtam mā smayiṣṭhā mā kaṇḍūyathā māpāvṛthā yadi smayāsā apigṛhya smayāsai yadi kaṇḍūyāsai kṛṣṇaviṣāṇayā kaṇḍūyāsai yadi vācaṃ visṛjer vaiṣṇavīm ṛcam anudravatān mā tvānyatra dīkṣitavimitāt sūryo 'bhyudiyāt mābhinimruktād yāni devatānāmāni yathākhyātaṃ tāny ācakṣvātha yāny adevatānāmāni yathākhyātaṃ tāny ācakṣāṇopariṣṭād vicakṣaṇaṃ dhehi canasitavatīṃ vicakṣaṇavatīṃ vācaṃ vada kṛṣṇājinān mā vyavacchetthā daṇḍāc ceti // (1) Par.?

sa evam evaitat sarvaṃ karoti // (2) Par.?

athopasamindhanavelāyām uttareṇāhavanīyaṃ tiṣṭhan saṃpraiṣam āhāgnīñ jyotiṣmataḥ kuruta dīkṣita vācaṃ yaccha patni vācaṃ yaccheti // (3) Par.?

saṃpreṣya vācaṃyamayor vrate dohayataḥ // (4) Par.?

athādhvaryuḥ pūrvayā dvāropaniṣkramya dohayitvaitenaiva yathetam etya gārhapatye 'gnihotravidhiṃ ceṣṭitvā taptvodag udvāsya śītīkṛtvātacya vānātacya vottare śālākhaṇḍe śikya āsajati // (5) Par.?

atha pratiprasthātā dakṣiṇayā dvāropaniṣkramya dohayitvaitenaiva yathetam etya vrataśrapaṇe taptvodag udvāsya śītīkṛtvātacya vānātacya vā dakṣiṇe śālākhaṇḍe śikya āsajati // (6) Par.?

athoditeṣu nakṣatreṣu yajamānaḥ kṛṣṇājinam āsajya pūrvayā dvāropaniṣkramyāgreṇa śālāṃ tiṣṭhan bhūr bhuvaḥ suvar vrataṃ kṛṇuta vrataṃ kṛṇuteti trir vācaṃ visṛjate // (7) Par.?

athātithīnām upasthām eti // (8) Par.?

canasitavatīṃ vicakṣaṇavatīṃ vācaṃ vadati // (9) Par.?

sa yady u hāmedhyam upādhigacchati taj japati abaddhaṃ mano daridraṃ cakṣuḥ sūryo jyotiṣāṃ śreṣṭho dīkṣe mā mā hāsīr iti // (10) Par.?

atha yady enam abhivarṣati undatīr balaṃ dhatta ojo dhatta balaṃ dhatta mā me dīkṣāṃ mā tapo nirvadhiṣṭety evaṃ tatra japati // (11) Par.?

tasyaite yajuṣī pariplave ā saṃsthāyai bhavataḥ // (12) Par.?

athāsmai nipataḥ kāle yajamānāyatane kṛṣṇājinaṃ prācīnagrīvam uttaralomopastṛṇāti // (13) Par.?

sa yadi bahutayam upastīrṇaṃ bhavati kṛṣṇājinād evānantarhitaḥ saṃviśati // (14) Par.?

atha saṃveśanayajur japati // (15) Par.?