Texts

agne tvaṃ su jāgṛhi vayaṃ su mandiṣīmahi / (1.1) Par.?

gopāya naḥ svastaye prabudhe naḥ punar dada iti // (1.2) Par.?

dakṣiṇataḥ śaya etad vai yajamānasyāyatanaṃ sva evāyatane śaye 'gnim abhyāvṛtya śaye devatā eva yajñam abhyāvṛtya śaya iti brāhmaṇam // (2) Par.?

athaiṣā patnī jaghanena gārhapatyaṃ saṃviśati tūṣṇīm // (3) Par.?

athādhvaryur madhyarātra ādrutya prabuddhayajur vācayati tvam agne vratapā asi deva ā martyeṣv ā / (4.1) Par.?

tvaṃ yajñeṣv īḍya iti // (4.2) Par.?

athāpa ācāmati daivīṃ dhiyaṃ manāmahe sumṛḍīkām abhiṣṭaye / (5.1) Par.?

varcodhāṃ yajñavāhasam supārā no asad vaśa iti // (5.2) Par.?

athāsmai kaṃse vā camase vā niḥṣicya vrataṃ prayacchati // (6) Par.?

tad dakṣiṇataḥ pariśritya vratayati ye devā manojātā manoyujaḥ sudakṣā dakṣapitāras te naḥ pāntu te no 'vantu tebhyo namas tebhyaḥ svāheti // (7) Par.?

yajuṣā yāvanmātraṃ vratayitvā tūṣṇīṃ bhūyo vratayati // (8) Par.?

etasmin kāle pratiprasthātā patnyai pātre niḥṣicya vrataṃ prayacchati // (9) Par.?

tat sā pariśritya vratayati tūṣṇīm // (10) Par.?

nirṇijya pātre prayacchataḥ // (11) Par.?

atha tathaiva purā nakṣatrāṇām antardhānāt saṃpreṣya vācaṃyamayor vrate dohayataḥ // (12) Par.?

athodita āditye yajamānaḥ kṛṣṇājinam āsajya pūrvayā dvāropaniṣkramyāgreṇa śālāṃ tiṣṭhan bhūr bhuvaḥ suvar vrataṃ kṛṇuta vrataṃ kṛṇuteti trir vācaṃ visṛjate // (13) Par.?

samāno vāco visargaḥ samānaṃ saṃveśanayajuḥ samānaṃ prabuddhayajuḥ samānam apām ācamanaṃ samānaṃ vratanam // (14) Par.?

atha sanīhārān prahiṇoti // (15) Par.?

sa yaṃ manyate na mā pratyākhyāsyatīti taṃ prathamam abhi prahiṇoti viśve devā abhi mām āvavṛtran pūṣā sanyā somo rādhasā devaḥ savitā vasor vasudāveti // (16) Par.?

āharantaṃ dṛṣṭvā japati nānāharantaṃ rāsveyat soma ā bhūyo bhara mā pṛṇan pūrtyā vi rādhi māham āyuṣeti // (17) Par.?

sa yathārūpaṃ pratigṛhṇāti // (18) Par.?