Texts

Help

Select a text:
Bibliography
Select a chapter:
 (no revisions)
Associated topic(s): errors, mistakes in sacrifice

Show parallels  Show headlines
Use dependency labeler
Chapter id: 16613
  • Click on a sentence to show its analysis
  • Keep the mouse pointer over a lemma to show its meanings.
yaddhotā jahāti vāggha tad yajamānaṃ jahāti / (1.1) Par.?
sa yat tat karoti svāṃ vācaṃ yajamāne dadhāti / (1.2) Par.?
sa viṣvaṅ vācāmuṣmiṃlloke sambhavati // (1.3) Par.?
yad adhvaryur jahāti cakṣur ha tad yajamānaṃ jahāti / (2.1) Par.?
sa yat tat karoti svaṃ cakṣur yajamāne dadhāti / (2.2) Par.?
sa viṣvaṅ cakṣuṣāmuṣmiṃlloke sambhavati // (2.3) Par.?
yad brahmā jahāti mano ha tad yajamānaṃ jahāti / (3.1) Par.?
sa yat tat karoti svaṃ mano yajamāne dadhāti / (3.2) Par.?
sa viṣvaṅ manasāmuṣmiṃlloke sambhavati // (3.3) Par.?
yad udgātā jahāti śrotraṃ ha tad yajamānaṃ jahāti / (4.1) Par.?
sa yat tat karoti svaṃ śrotraṃ yajamāne dadhāti / (4.2) Par.?
sa viṣvaṅ śrotreṇāmuṣmiṃlloke sambhavati // (4.3) Par.?
yat sadasyo jahāti ātmā ha tad yajamānaṃ jahāti / (5.1) Par.?
sa yat tat karoti svātmānaṃ yajamāne dadhāti / (5.2) Par.?
sa viṣvaṅṅ ātmanāmuṣmiṃlloke sambhavati // (5.3) Par.?
yaddhotrāśaṃsino jahaty aṅgāni ha tad yajamānaṃ jahati / (6.1) Par.?
te yat tat kurvanti svāny aṅgāni yajamāne dadhati / (6.2) Par.?
te viṣvañco 'ṅgair amuṣmiṃlloke sambhavanti // (6.3) Par.?
yac camasādhvaryavo jahati lomāni ha tad yajamānaṃ jahati / (7.1) Par.?
te yat tat kurvanti svāni lomāni yajamāne dadhati / (7.2) Par.?
te viṣvañco lomabhir amuṣmiṃlloke sambhavanti // (7.3) Par.?
tasmād evaṃvid yajñe hīnaṃ na kuryāt // (8.1) Par.?
atha vā ata ṛtvijām eva vijñānam // (9.1) Par.?
paśavo hādhvaryum anu kīrtir hotāraṃ yogakṣemo brahmāṇam ātmā ca prajā codgātāram // (10.1) Par.?
Duration=0.094444990158081 secs.