Texts

athāto mahārātra eva budhyante // (1) Par.?

saṃbodhayanty etān ṛtvijo 'dhvaryuṃ hotāraṃ brahmāṇam udgātāraṃ pratiprasthātāraṃ prastotāraṃ praśāstāraṃ brāhmaṇācchaṃsinam acchāvākaṃ neṣṭāraṃ potāraṃ sadasyam unnetāram āgnīdhraṃ grāvastutaṃ subrahmaṇyaṃ pratihartāraṃ ye cānye parikarmiṇo bhavanti // (2) Par.?

te hastapādān prakṣālyāgnīdhre yajamānam upasaṃgacchante // (3) Par.?

athādhvaryur hastau saṃmṛśate karmaṇe vāṃ devebhyaḥ śakeyam iti // (4) Par.?

athātraiva tiṣṭhan saṃpraiṣam āhonnetar grāvṇo vāyavyāni droṇakalaśe daśāpavitre samavadhāya dakṣiṇasya havirdhānasya puro 'kṣaṃ saṃsādayāgnīd ājyam adhiśraya pratiprasthātaḥ srucaḥ saṃmṛḍḍhy ājyenodehi pṛṣadājyāya dadhy āhareti // (5) Par.?

yathāsaṃpraiṣaṃ te kurvanti // (6) Par.?

athādhvaryur āgneyyarcāgnīdhram abhimṛśaty agnir mūrdhā diva iti // (7) Par.?

vaiṣṇavyā havirdhānaṃ viṣṇo tvaṃ no antama iti // (8) Par.?

āgneyyā sruco 'yam agniḥ sahasriṇa iti // (9) Par.?

vāyavyayā vāyavyāni vāyo śataṃ harīṇām iti // (10) Par.?

aindryā sada indraṃ viśvā avīvṛdhann iti // (11) Par.?

atha pṛṣadājyavanty ājyāni gṛhītvā prokṣaṇībhir upottiṣṭhati // (12) Par.?

idhmaṃ prokṣati // (13) Par.?

vediṃ prokṣati // (14) Par.?

barhiḥ prokṣati // (15) Par.?

barhirāsannaṃ prokṣyopaninīya purastāt prastaraṃ gṛhṇāti // (16) Par.?

ekavidhaṃ barhi stīrtvā prastarapāṇiḥ prāṅ abhisṛpyaudumbarān mahāparidhīn paridadhāti nityena paridhānena // (17) Par.?

athainān yogena yunakti // (18) Par.?

yunajmi te pṛthivīṃ jyotiṣā saheti madhyamam // (19) Par.?

yunajmi vāyum antarikṣeṇa te saheti dakṣiṇam // (20) Par.?

yunajmi vācaṃ saha sūryeṇa ta iti uttaram // (21) Par.?

atha srucaḥ sannā abhimṛśati yunajmi tisro vipṛcaḥ sūryasya ta iti // (22) Par.?

athāpa upaspṛśyāhaihi yajamāneti // (23) Par.?

pūrvayā dvārā havirdhānaṃ prapādyāthaitac carma phalakayoḥ prācīnagrīvam uttaralomopastṛṇāti yajña pratitiṣṭheti vā tūṣṇīṃ vā // (24) Par.?

tasmin saṃmukhān grāvṇaḥ kṛtvā dakṣiṇasya havirdhānasyāntareṇeṣe rājānam upāvaharati hṛde tvā manase tvā soma rājann ehy avaroheti dvābhyām // (25) Par.?

athainam udgātṛbhyaḥ prāhuḥ // (26) Par.?

tasmiṃs tac ceṣṭanti yat te viduḥ // (27) Par.?

athāpa upaspṛśyāhaihi yajamāneti // (28) Par.?

āgnīdhraṃ drutvā sruci caturgṛhītaṃ gṛhītvā pañcahotāraṃ manasānudrutyāgnīdhre juhoty anvārabdhe yajamāne svāheti // (29) Par.?

aparaṃ caturgṛhītaṃ gṛhītvāgnīdhra evāsanyāṃ juhoty āsanyān mā mantrāt pāhi kasyāś cid abhiśastyāḥ svāheti // (30) Par.?

athāhavanīye ghṛtānuṣiktaṃ śakalam abhyādadhāti tūṣṇīm // (31) Par.?

athātraiva tiṣṭhan saṃpraiṣam āha // (32) Par.?