Texts

upahūyamānāyām iḍāyām upapragṛhṇanti camasān // (1) Par.?

upahūtāyām iḍāyām anāhitam agnīdhe bhavati // (2) Par.?

athaitāni dvidevatyapātrāṇy ariktāni karoti // (3) Par.?

puroḍāśaśakalam aindravāyavapātre prāsyati // (4) Par.?

āmikṣāṃ maitrāvaruṇapātre // (5) Par.?

dhānā āśvinapātre // (6) Par.?

athaināni samparigṛhya pūrvayā dvāropanirhṛtyāparayā dvārā havirdhānaṃ prapādya dakṣiṇasya havirdhānasyottarasyāṃ vartanyāṃ sādayati // (7) Par.?

tāny ā tṛtīyasavanāt pariśere // (8) Par.?

athāgnīdha ādadhāti ṣaḍavattam // (9) Par.?

prāśnanti // (10) Par.?

mārjayante // (11) Par.?

iḍopahūtāṃś camasān bhakṣayanti bhakṣehi māviśeti dīrghabhakṣam anudrutya vasumadgaṇasya soma deva te matividaḥ prātaḥsavanasya gāyatracchandasa indrapītasya madhumata upahūtasyopahūto bhakṣayāmīti // (12) Par.?

hotṛcamasam evaite trayaḥ samupahūya bhakṣayanti // (13) Par.?

yathācamasaṃ camasān // (14) Par.?

hinva ma ity ātmānaṃ pratyabhimṛśante // (15) Par.?

āpyāyayanti camasān āpyāyasva sametu ta iti // (16) Par.?

sīdanti nārāśaṃsā āpyāyitā dakṣiṇasya havirdhānasyāpālambam adho'dha aindrāgnāya // (17) Par.?

athaiṣo 'cchāvāko 'greṇa sada āste // (18) Par.?

tasmai mahatpuroḍāśaśakalam ādadhad āhācchāvāka vadasva yat te vādyam iti // (19) Par.?

sa yatrācchāvākasyābhijānāty upo asmān brāhmaṇān brāhmaṇā hvayadhvam iti tad āha hotar acchāvāko vā ayam upahavam icchate tam upahvayasveti // (20) Par.?

tam ṛcā hotopahvayate // (21) Par.?

atha prāṅ āyann āhonnīyamānāyānubrūhy acchāvākasya camasādhvaryav unnayasvobhayataḥśukraṃ kuruṣveti // (22) Par.?

sa tathā karoti // (23) Par.?

atha prāṅ etyācchāvākacamasam ādāyāśrāvyāhācchāvāka yajeti // (24) Par.?

vaṣaṭkṛtānuvaṣaṭkṛte hutvā harati bhakṣam // (25) Par.?

sa yady asminn acchāvāka upahavam icchata upaivainaṃ hvayate // (26) Par.?

no tveva saṃbhakṣayataḥ // (27) Par.?

sīdaty asya nārāśaṃsa āpyāyitaḥ // (28) Par.?

athāhācchāvāka sīda neṣṭaḥ patnīm udānayāgnīd acchāvākaṃ me sannaṃ prabrūtād iti // (29) Par.?

sīdaty eṣo 'cchāvāko jaghanena svaṃ dhiṣṇiyam // (30) Par.?

ānayati neṣṭā patnīṃ pannejanīr ādāya prehy udehīty etena nigadena // (31) Par.?

athaināṃ pūrvayā dvāropaniṣkramayyāparayā dvārā sadaḥ prapādya jaghanena neṣṭur dhiṣṇiyam asaṃcare sāmapathe pannejanīḥ sādayati vasubhyo rudrebhya ādityebhyo viśvebhyo devebhyaḥ pannejanīḥ sādayāmi yajñāya vaḥ pannejanīḥ sādayāmīti // (32) Par.?

athāhāgnīdhraḥ sanno 'cchāvāko 'cchāvākaṃ sannam upa pannejanīr asīṣadann iti // (33) Par.?

etasmin kāla āgnīdhre yajamānaḥ puroḍāśānāṃ prāśnāti // (34) Par.?

yad aśanā syāt patnī patnīśāle // (35) Par.?