Texts

atha hotāraṃ vipṛcchati praṇavam upāṃśuśaṃsaṃ śaṃsiṣyasī3 vigrāhā3m iti // (1) Par.?

sa yathainaṃ hotā pratyāha tac chrutvā nigṛhya pātraṃ parāṅ āvartate // (2) Par.?

iḍā devahūr iti yāvad etasya yajuṣaḥ paryāpnoti tāvaj japati // (3) Par.?

abhy enam āhvayate hotā // (4) Par.?

pratyāhvayate 'dhvaryuḥ // (5) Par.?

śaṃsati // (6) Par.?

pratigṛṇāti // (7) Par.?

yad upāṃśu śaṃsati tad upāṃśu pratigṛṇāti // (8) Par.?

yad uccaiḥ śaṃsati tad uccaiḥ pratigṛṇāti // (9) Par.?

saṃtataṃ vā vigrāhaṃ vā // (10) Par.?

prasiddham ukthaṃ pratigīrya prāṅ etyodyacchata etam aindrāgnaṃ graham // (11) Par.?

anūdyacchante nārāśaṃsān // (12) Par.?

athāśrāvayaty o śrāvayāstu śrauṣaḍ ukthaśā yaja somasyeti // (13) Par.?

vaṣaṭkṛtānuvaṣaṭkṛte dvir juhoti // (14) Par.?

tathaiva dvirdvir nārāśaṃsān anuprakampayanti // (15) Par.?

etat pātraṃ nārāśaṃsā anvāyanti // (16) Par.?

anusavanabhakṣa indrāgnibhyāṃ pītasyeti // (17) Par.?

hotā caivādhvaryuś caitat pātraṃ saṃbhakṣayato narāśaṃsapītena nārāśaṃsān narāśaṃsapītasya soma deva te matividaḥ prātaḥsavanasya gāyatracchandasaḥ pitṛpītasya madhumata upahūtasyopahūto bhakṣayāmīti // (18) Par.?

hotṛcamasam evaite trayaḥ samupahūya bhakṣayanti // (19) Par.?

yathācamasaṃ camasān // (20) Par.?

hinva ma ity ātmānaṃ pratyabhimṛśante // (21) Par.?

āpyāyayanti camasān āpyāyasva sametu ta iti // (22) Par.?

sīdanti nārāśaṃsā āpyāyitā dakṣiṇasya havirdhānasyāpālambam adho'dho vaiśvadevāya // (23) Par.?

atha prāṅ etya śukrapātram ādadāna āhonnetar yademaṃ vaiśvadevaṃ graham gṛhṇāmy athodañcaṃ rājānaṃ pūtabhṛtam abhi saṃpavayatād daśābhir droṇakalaśaṃ mṛṣṭvā nyubjatād iti // (24) Par.?

sa tathā karoti // (25) Par.?

sa śukrapātreṇa vaiśvadevaṃ kalaśād gṛhṇāty omāsaś carṣaṇīdhṛta ity anudrutyopayāmagṛhīto 'si viśvebhyas tvā devebhyo juṣṭaṃ gṛhṇāmīti // (26) Par.?

parimṛjya sādayaty eṣa te yonir viśvebhyas tvā devebhya iti // (27) Par.?

athāpa upaspṛśya barhiṣī ādāya vācaṃyamaḥ pratyaṅ drutvā stotram upākaroti // (28) Par.?

stuvate vaiśvadevāya // (29) Par.?

hotra eṣottameti prāhuḥ // (30) Par.?

hotuḥ kālāt parāṅ āvartate 'dhvaryuḥ // (31) Par.?

abhy enam āhvayate hotā // (32) Par.?

pratyāhvayate 'dhvaryuḥ // (33) Par.?

śaṃsati // (34) Par.?

pratigṛṇāti // (35) Par.?

prasiddham ukthaṃ pratigīrya prāṅ etyodyacchata etaṃ vaiśvadevaṃ graham // (36) Par.?

anūdyacchante nārāśaṃsān // (37) Par.?

athāśrāvayaty o śrāvayāstu śrauṣaḍ ukthaśā yaja somasyeti // (38) Par.?

vaṣaṭkṛtānuvaṣaṭkṛte dvir juhoti // (39) Par.?

tathaiva dvirdvir nārāśaṃsān anuprakampayanti // (40) Par.?

etat pātraṃ nārāśaṃsā anvāyanti // (41) Par.?

anusavanabhakṣo viśvair devaiḥ pītasyeti // (42) Par.?

hotā caivādhvaryuś caitat pātraṃ saṃbhakṣayato narāśaṃsapītena nārāśaṃsān narāśaṃsapītasya soma deva te matividaḥ prātaḥsavanasya gāyatracchandasaḥ pitṛpītasya madhumata upahūtasyopahūto bhakṣayāmīti // (43) Par.?

hotṛcamasam evaite trayaḥ samupahūya bhakṣayanti // (44) Par.?

yathācamasaṃ camasān // (45) Par.?

hinva ma ity ātmānaṃ pratyabhimṛśante // (46) Par.?

nāpyāyayanti camasān // (47) Par.?

sarvabhakṣā mārjayante // (48) Par.?

athāha pratiprasthātar ime cartupātre etac ca śukrapātraṃ mārjālīye mārjayitvā pātreṣv apisṛjeti // (49) Par.?

sa tathā karoti // (50) Par.?

atha prāṅ āyann āha // (51) Par.?