Texts

maitrāvaruṇasya camasam anūnnayadhvam unnetaḥ somaṃ prabhāvayeti // (1) Par.?

maitrāvaruṇacamasam eva prathamam unnayanti // (2) Par.?

yathopapādam itarān // (3) Par.?

samunnīyottaravedyāṃ saṃsādayanti // (4) Par.?

athādatta ukthyasthālyā aupaśayaṃ pātram // (5) Par.?

tasminn etasya rājñas tṛtīyavelāṃ gṛhṇāti ya ukthyasthālyāṃ bhavaty upayāmagṛhīto 'si devebhyas tvā devāyuvam ukthyebhya ukthāyuvaṃ yajñasyāyuṣe mitrāvaruṇābhyāṃ tvā juṣṭaṃ gṛhṇāmīti // (6) Par.?

punar havir asīty ukthyasthālīṃ pratyabhimṛśati // (7) Par.?

parimṛjya sādayaty eṣa te yonir mitrāvaruṇābhyāṃ tveti // (8) Par.?

athāpa upaspṛśya barhiṣī ādāya vācaṃyamaḥ pratyaṅ drutvā stotram upākaroti // (9) Par.?

stuvate // (10) Par.?

maitrāvaruṇāyaiṣottameti prāhuḥ // (11) Par.?

maitrāvaruṇasya kālāt parāṅ āvartate 'dhvaryuḥ // (12) Par.?

abhy enam āhvayate maitrāvaruṇaḥ // (13) Par.?

pratyāhvayate 'dhvaryuḥ // (14) Par.?

śaṃsati // (15) Par.?

pratigṛṇāti // (16) Par.?

prasiddham ukthaṃ pratigīrya prāṅ etyodyacchata etaṃ graham // (17) Par.?

anūdyacchante camasān // (18) Par.?

athāśrāvayaty o śrāvayāstu śrauṣaḍ ukthaśā yaja somānām iti // (19) Par.?

vaṣaṭkṛtānuvaṣaṭkṛte dvir juhoti // (20) Par.?

tathaiva dvirdviḥ sarvāṃś camasāñ juhvati // (21) Par.?

atha pradakṣiṇam āvṛtya maitrāvaruṇasya camase grahasya saṃsrāvam avanayati hutaṃ tvā hute 'vanayāmy ūrjasvantaṃ devebhyo madhumantaṃ manuṣyebhya iti vā tūṣṇīṃ vā // (22) Par.?

atraivaitat pātram upanidhāya bhakṣaiḥ pratyañca ādravanti // (23) Par.?

anusavanabhakṣo mitrāvaruṇābhyāṃ pītasyeti // (24) Par.?

maitrāvaruṇacamasam evaite trayaḥ samupahūya bhakṣayanti // (25) Par.?

yathācamasaṃ camasān // (26) Par.?

hinva ma ity ātmānaṃ pratyabhimṛśante // (27) Par.?

nāpyāyayanti camasān // (28) Par.?

sarvabhakṣā mārjayante // (29) Par.?

athāha pratiprasthātar grahau te pracareti // (30) Par.?

tac chrutvā pratiprasthātā prāṅ āyann āha // (31) Par.?