Texts

brāhmaṇācchaṃsinaś camasam anūnnayadhvam unnetaḥ somaṃ prabhāvayeti // (1) Par.?

brāhmaṇācchaṃsinaś camasam eva prathamam unnayanti // (2) Par.?

yathopapādam itarān // (3) Par.?

samunnīyottaravedyāṃ saṃsādayanti // (4) Par.?

athādatta ukthyasthālyā aupaśayaṃ pātram // (5) Par.?

tasminn etasya rājño 'rdhavelāṃ gṛhṇāti ya ukthyasthālyāṃ bhavaty upayāmagṛhīto 'si devebhyas tvā devāyuvam ukthyebhya ukthāyuvaṃ yajñasyāyuṣa indrāya tvā juṣṭaṃ gṛhṇāmīti // (6) Par.?

punar havir asīty ukthyasthālīṃ pratyabhimṛśati // (7) Par.?

parimṛjya sādayaty eṣa te yonir indrāya tveti // (8) Par.?

athāpa upaspṛśya barhiṣī ādāya vācaṃyamaḥ pratyaṅ drutvā stotram upākaroti // (9) Par.?

stuvate // (10) Par.?

brāhmaṇācchaṃsina eṣottameti prāhuḥ // (11) Par.?

brāhmaṇācchaṃsinaḥ kālāt parāṅ āvartate pratiprasthātā // (12) Par.?

abhy enam āhvayate brāhmaṇācchaṃsī // (13) Par.?

pratyāhvayate pratiprasthātā // (14) Par.?

śaṃsati // (15) Par.?

pratigṛṇāti // (16) Par.?

prasiddham ukthaṃ pratigīrya prāṅ etyodyacchata etaṃ graham // (17) Par.?

anūdyacchante camasān // (18) Par.?

athāśrāvayaty o śrāvayāstu śrauṣaḍ ukthaśā yaja somānām iti // (19) Par.?

vaṣaṭkṛtānuvaṣaṭkṛte dvir juhoti // (20) Par.?

tathaiva dvirdviḥ sarvāṃś camasāñ juhvati // (21) Par.?

atha pradakṣiṇam āvṛtya brāhmaṇācchaṃsinaś camase grahasya saṃsrāvam avanayati hutaṃ tvā hute 'vanayāmy ūrjasvantaṃ devebhyo madhumantaṃ manuṣyebhya iti vā tūṣṇīṃ vā // (22) Par.?

atraivaitat pātram upanidhāya bhakṣaiḥ pratyañca ādravanti // (23) Par.?

anusavanabhakṣa indreṇa pītasyeti // (24) Par.?

brāhmaṇācchaṃsinaś camasam evaite trayaḥ samupahūya bhakṣayanti // (25) Par.?

yathācamasaṃ camasān // (26) Par.?

hinva ma ity ātmānaṃ pratyabhimṛśante // (27) Par.?

nāpyāyayanti camasān // (28) Par.?

sarvabhakṣā mārjayante // (29) Par.?

atha prāṅ āyann āha // (30) Par.?