Texts

Help

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 16716

Click on a sentence to show its analysis
Keep the mouse pointer over a lemma to show its meanings.

viparītau parigrāhāv eke // (1) Par.?

dhā asīti vediṃ sphyena pratīcīṃ yoyupyeta // (2) Par.?

purā krūrasyety abhimantrya paścārdhe vedeḥ pūrveṇa vitṛtīyadeśe sphyaṃ tiryañcaṃ stabdhvā prokṣaṇīr āsādayety āgnīdhraṃ saṃpreṣyati // (3) Par.?

āgnīdhro havanyāṃ tiraḥ pavitram apa ānīyodañcaṃ sphyam apakṛṣyāntarvedi havanīṃ dhārayan sphyasya vartmany upaninīya ṛtasadhaḥ stheti sphyapade sādayati // (4) Par.?

yaṃ dviṣyāt taṃ dhyāyet // (5) Par.?

śatabhṛṣṭir asīty utkare sphyam udasyati // (6) Par.?

yaṃ dviṣyāt taṃ dhyāyet // (7) Par.?

īḍenyakratūr iti yajamānaḥ prokṣaṇīr āsādyamānā anumantrayate // (8) Par.?

āgnīdhro hastāv avanenekti // (9) Par.?

nānavanijya pātrāṇi saṃmṛśati na ca vedim ā staraṇāt sphyaṃ prakṣālayati nāgraṃ parimṛśati // (10) Par.?

āhavanīyam uttareṇa praṇītā idhmābarhir upasādayati prāgagraṃ dakṣiṇam idhmam uttaraṃ barhiḥ // (11) Par.?

vedāgraiḥ sruvaṃ srucaś ca saha saṃmārṣṭi // (12) Par.?

aniśitāḥ stha sapatnakṣayaṇīr ity abhimantrya ghṛtācīr eteti dakṣiṇena pāṇinā sruvaṃ juhūpabhṛtau savyena dhruvāṃ prāśitraharaṇaṃ vedāgrāṇi cādāya pratyuṣṭam iti gārhapatye niṣṭapya goṣṭhaṃ mā nirmṛkṣam iti sruvam agrair antarato 'bhyākāraṃ sarvato bilam abhisamāhāraṃ nirlepaṃ trir abhitaḥ saṃmārṣṭi bāhyato mūlair daṇḍam // (13) Par.?

vācaṃ prāṇam iti juhūṃ cakṣuḥ śrotram ity upabhṛtaṃ prajāṃ yonim iti dhruvāṃ tūṣṇīṃ prāśitraharaṇam // (14) Par.?

pūrvavat srucaḥ prāśitraharaṇaṃ ca niṣṭapyottarato vediśroṇyāṃ nidadhāti // (15) Par.?

Duration=0.037012100219727 secs.