Texts

prasarpanti mādhyaṃdināya savanāya devī dvārāv ity ata evordhvena // (1) Par.?

samprasṛptān viditvādhvaryuḥ prāṅ āyann āhābhiṣotāra eta hvayata grāvastutam ehi yajamāneti // (2) Par.?

pūrvayā dvārā havirdhānaṃ prapādya hotṛcamase vasatīvarībhyo 'dhy apo niḥṣicya tāsu tathaiva nigrābhyāsu yajamānaṃ vācayati // (3) Par.?

tās tathaiva yajamānāya sampradāya grāvāṇam ādatte 'nyam upāṃśusavanāt // (4) Par.?

taṃ tathaiva prāñcaṃ praśritya visrasya rājānaṃ grāvāṇam abhimimīta indrāya tvendrāya tveti // (5) Par.?

pañcakṛtvo yajuṣā pañcakṛtvas tūṣṇīm // (6) Par.?

daśakṛtvo mimānaḥ sarvaśa eva rājānaṃ mimīte // (7) Par.?

adbhir abhyukṣya grāvastuta uṣṇīṣaṃ prayacchati // (8) Par.?

adbhir evābhyukṣyādhvaryor āvasathaṃ vāso haranti // (9) Par.?

tathā mitaṃ rājānaṃ hotṛcamasīyābhir upasṛjati // (10) Par.?

tathā saṃprayauti // (11) Par.?

tathā tiraścarman phalake abhimṛśati // (12) Par.?

tathā vṛddhīr vācayati // (13) Par.?

nātrāṃśūn sacate // (14) Par.?

ghoṣavanta evābhiṣuṇvantīhā3 ihā3 iheti // (15) Par.?

tad eva sad vinayantīhā3 iha ihā3 iha ihā3 iheti // (16) Par.?

atha saṃbharaṇīye niṣkrīḍayantīhā3 ihā3 iheti // (17) Par.?

athainaṃ susaṃbhṛtaṃ saṃbharaṇyāṃ saṃbhṛtyonnetra utprayacchati // (18) Par.?

tam unnetādhavanīye 'vanayati // (19) Par.?

evam eva dvitīyaḥ paryāyaḥ saṃtiṣṭhate // (20) Par.?

evaṃ tṛtīyaḥ // (21) Par.?

tṛtīyasya tṛtīye bṛhad upayanti bṛhad bṛhad bṛhad iti // (22) Par.?

ṛjīṣam antato daśāpavitreṇa pariveṣṭyonnetra utprayacchati // (23) Par.?

tad unnetādhavanīye vikṣālya prapīḍya dakṣiṇasya havirdhānasyāntareṇeṣe upāvahṛtya carmaṇi nidadhāti // (24) Par.?

tasmiṃs tathaiva saṃmukhān grāvṇaḥ kṛtvā caturdhaitad ṛjīṣaṃ grāvamukhebhyo vyapohati // (25) Par.?

tathodgātā vā prastotā vā dakṣiṇasya havirdhānasya paścād akṣam upasṛpya prāñcaṃ grāvasu droṇakalaśam adhyūhati // (26) Par.?

tasmiṃs tathaivodīcīnadaśaṃ daśāpavitraṃ vitatya prasiddhaṃ śukrāmanthinau grahau gṛhṇāti // (27) Par.?

athartupātrābhyāṃ dvau marutvatīyau grahau gṛhṇāti // (28) Par.?