Texts

marutvantaṃ vṛṣabhaṃ vāvṛdhānam indra marutva iha pāhi somam iti dvābhyām // (1) Par.?

athopariṣṭād āgrayaṇam ānīyādhastād upagṛhṇāti // (2) Par.?

taṃ tathaiva trir abhihiṅkṛtya parimṛjya sādayati // (3) Par.?

tathokthyaṃ gṛhṇāti // (4) Par.?

ukthyena rājānaṃ paridadhāti // (5) Par.?

tathoparyardhe droṇakalaśe pariplu pātraṃ prāsya drapsān anumantrayate drapsaś caskanda yas te drapso yo drapso yas te drapsa iti // (6) Par.?

tathonnetāram āhāriktaṃ pūtabhṛtaṃ kuru pavamānasya grahān grahīṣyāmīti // (7) Par.?

tathārikte pūtabhṛti pavamānasya grahān gṛhṇāty upayāmagṛhīto 'sīndrāya tveti droṇakalaśam abhimṛśati // (8) Par.?

indrāya tvety ādhavanīyam // (9) Par.?

indrāya tveti pūtabhṛtam // (10) Par.?

tathonnetar ity āha prāñcaṃ rājānaṃ pūtabhṛtam abhi saṃpavayatād daśābhir ādhavanīyaṃ mṛṣṭvā nyubjatād iti // (11) Par.?

sa tathā karoti // (12) Par.?

tathāpa upaspṛśya barhiṣī ādāyopaniḥsarpati // (13) Par.?

teṣu tathaiva samanvārabdheṣv āhavanīye sruvāhutiṃ juhoti // (14) Par.?

viśve devā maruta indro asmān asmin dvitīye savane na jahyuḥ / (15.1) Par.?

āyuṣmantaḥ priyam eṣāṃ vadanto vayaṃ devānāṃ sumatau syāma svāhety etayādhvaryū juhutaḥ // (15.2) Par.?

yathāvedam itare juhvati // (16) Par.?

atha pradakṣiṇam āvṛtya sado 'bhi pavamānaṃ sarpanti // (17) Par.?

tathā sadasi yathāyatanam upaviśanti // (18) Par.?

tathodgātre vā prastotre vā barhiṣī prayacchaty ṛksāmayor upastaraṇam asi mithunasya prajātyā iti vā tūṣṇīṃ vā // (19) Par.?

tathopākaraṇaṃ japati vāyur hiṃkarteti // (20) Par.?

sa eṣa pañcadaśo mādhyaṃdinaḥ pavamāno bhavati // (21) Par.?

tasyāṣṭamyāṃ prastutāyāṃ vācayati suparṇo 'si triṣṭupchandā anu tvārabhe svasti mā saṃpārayeti // (22) Par.?

atra caturhotāraṃ vyācaṣṭe // (23) Par.?

uddrute sāmni saṃpraiṣam āhāgnīd agnīn vihara barhi stṛṇāhi puroḍāśāṃ alaṃkuru pratiprasthātar dadhigharmāya dadhy āhareti // (24) Par.?

yathāsaṃpraiṣaṃ tau kurutaḥ // (25) Par.?

tathāpa upaspṛśyāhaihi yajamāneti // (26) Par.?

pūrvayā dvārā havirdhānaṃ prapādya tathā samastaṃ rājānam upatiṣṭhate // (27) Par.?

tathāvakāśaiś carati // (28) Par.?

tathā pracaraṇyāṃ navakṛtvo gṛhṇīte // (29) Par.?

tathaiṣa āgnīdhra āgnīdhrīyād dhiṣṇiyād anupūrvaṃ dhiṣṇiyeṣv aṅgārān viharati // (30) Par.?

tathā purastāt pratyaṅṅ āsīno vihṛtān dhiṣṇiyān vyāghārayati // (31) Par.?

tathottarasya havirdhānasya cubuke pracaraṇīṃ sādayati // (32) Par.?

tathā sāṃkāśinena pathā pṛṣṭhyāṃ stṛṇāti saṃtatāṃ gārhapatyād āhavanīyāt // (33) Par.?