Texts

idaṃ tṛtīyaṃ savanaṃ kavīnām ṛtena ye camasam airayanta / (1.1) Par.?

te saudhanvanāḥ suvar ānaśānāḥ sviṣṭiṃ no abhi vasīyo nayantu svāhety etayādhvaryū juhutaḥ // (1.2) Par.?

yathāvedam itare juhvati // (2) Par.?

tathā pradakṣiṇam āvṛtya sado 'bhipavamānaṃ sarpanti // (3) Par.?

tathā sadasi yathāyatanam upaviśanti // (4) Par.?

tathodgātre vā prastotre vā barhiṣī prayacchaty ṛksāmayor upastaraṇam asi mithunasya prajātyā iti vā tūṣṇīṃ vā // (5) Par.?

tathopākaraṇaṃ japati vāyur hiṅkarteti // (6) Par.?

sa eṣa saptadaśa ārbhavaḥ pavamāno bhavati // (7) Par.?

tasya navamyāṃ prastutāyāṃ vācayati saghāsi jagatīcchandā anu tvārabhe svasti mā saṃpārayeti // (8) Par.?

atra pañcahotāraṃ vyācaṣṭe // (9) Par.?

uddrute sāmni saṃpraiṣam āhāgnīc chālākān vihara barhi stṛṇāhi puroḍāśāṃ alaṃkuru pratiprasthātaḥ paśau saṃvadasveti // (10) Par.?

yathāsaṃpraiṣaṃ tau kurutaḥ // (11) Par.?

tathāpa upaspṛśyāhaihi yajamāneti // (12) Par.?

pūrvayā dvārā havirdhānaṃ prapādya tathā samastaṃ rājānam upatiṣṭhate // (13) Par.?

nātrāvakāśaiś carati // (14) Par.?

tathā pracaraṇyāṃ navakṛtvo gṛhṇīte // (15) Par.?

tathaiṣa āgnīdhra āgnīdhrīyād dhiṣṇiyād anupūrvaṃ dhiṣṇiyeṣu śālākān viharati // (16) Par.?

tathā purastāt pratyaṅṅ āsīno vihṛtāñchālākān vyāghārayati // (17) Par.?

tathottarasya havirdhānasya cubuke pracaraṇīṃ sādayati // (18) Par.?

tathā sāṃkāśinena pathā pṛṣṭhyāṃ stṛṇāti saṃtatāṃ gārhapatyād āhavanīyāt // (19) Par.?