Texts

yūpam ucchrīyamāṇam anumantrayeran nṛmaṇa ūrdhvabharasaṃ tveti // (1) Par.?

etānyevohasthānāni yāvantaḥ syuḥ // (2) Par.?

yatra tiṣṭhanta ucchrīyamāṇaṃ paśyeyuriti śāṇḍilyaḥ // (3) Par.?

antarvedyeveti dhānaṃjayyaḥ // (4) Par.?

na bahirvedi yajur avakalpata iti // (5) Par.?

viśvarūpāṇāṃ gānaṃ jyotiṣṭome yajamānenoktaḥ pratyācakṣīta catuṣṭomastomasaṃpadatirekād grahaśastrābhāvācca // (6) Par.?

vasatīvaryo grahaḥ prātaranuvākaḥ śastramāsāṃ na ca saṃpatkopo yathānyaiḥ parisāmabhir gāyaiveti cedbrūyāt // (7) Par.?

na mām anāmantrya prātaranuvākamupākuryādityadhvaryuṃ brūyāt // (8) Par.?

hotāraṃ prātaranuvākāyopaviṣṭaṃ pūrveṇa gatvā yajamānaśca pūrvayā dvārā prapadyāntareṇa havirdhānaṃ pūrveṇa cakre udaṅmukha upaviśet tūṣṇīm // (9) Par.?

purastādyajamānaḥ pratyaṅmukhaḥ // (10) Par.?

yuñje vācaṃ śatapadīṃ gāyetsahasravartani gāyatraṃ traiṣṭubhaṃ jagad viśvā rūpāṇi saṃbhṛtā devā okāṃsi cakrira ityetasyāṃ paṅktau trirgāyatraṃ gāyediti dhānaṃjayyaḥ svādhyāyasvareṇa // (11) Par.?

manasaiva yajamāna upasvaret // (12) Par.?

triṣu triṣu pādeṣu gāyediti gautamaḥ // (13) Par.?

pūrvaṃ pūrvamatisṛjan gāyatrīkāram // (14) Par.?

pragāthakāraṃ vā // (15) Par.?

gītvā yathārthaṃ syāt // (16) Par.?

viśvarūpāś ced gāyej jyotīṃṣy api gāyet // (17) Par.?

parihite prātaranuvāke 'ponaptrīyaṃ nāma sūktaṃ purā tasmāddhotāram āramety uktvā // (18) Par.?

āgrayaṇasya vānu hiṃkāraṃ pavitraṃ dhārayan // (19) Par.?

āstāvaṃ vā prāpya stomayogāt // (20) Par.?

agnir jyotir jyotir agnir indro jyotir jyotir indraḥ sūryo jyotir jyotiḥ sūrya ityeteṣu pādeṣu tris trir ekaikam abhyāsaṃ manasā gāyatraṃ gāyet // (21) Par.?

tāni nānyatra viśvarūpābhyaḥ // (22) Par.?

nānyatra viśvarūpā jyotiṣṭomāt // (23) Par.?

sahacarāṇi hyetāni viśvarūpāśca jyotīṃṣi ca jyotīṃṣi ca // (24) Par.?