Texts

Help

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 16820

Click on a sentence to show its analysis
Keep the mouse pointer over a lemma to show its meanings.

samaṅktām ity ajyamānaṃ yajamāno 'numantrayate // (1) Par.?

adhvaryur aktasya tṛṇam apādāya surakṣitaṃ nidadhāti // (2) Par.?

apiprer iti tad yajamāno 'numantrayate // (3) Par.?

dakṣiṇottarābhyāṃ pāṇibhyām adhvaryuḥ prastaraṃ gṛhītvā juhvāṃ pratiṣṭhāpyāsīna āśrāvya pratyāśrāvita iṣitā daivyā hotāra iti saṃpreṣyati // (4) Par.?

idaṃ dyāvāpṛthivī bhadram iti hotrā sūktavāke 'nūcyamāna āpyāyantām āpa iti saha śākhayā prastaram āhavanīye praharati // (5) Par.?

nātyagraṃ praharen na purastāt pratyasyed ūrdhvam udyauti // (6) Par.?

karṣann iva nyañcam antataḥ paryāvartayann agnīd gamayeti saṃpreṣyati // (7) Par.?

añjalināgnīt prastaraṃ trir ūrdhvam udyauti // (8) Par.?

sūktavāke hotā yāṃ yāṃ devatām anubrūte 'gner aham ujjitim anūjjeṣam ity etais tāṃ devatāṃ yajamāno 'numantrayate // (9) Par.?

yarhi hotā yajamānasya nāma gṛhṇīyāt tarhy emā agmann āśiṣo dohakāmā iti brūyāt // (10) Par.?

anupraharety adhvaryuḥ saṃpreṣyati // (11) Par.?

svagā tanubhya iti prastarasya tṛṇam agnīd anupraharati // (12) Par.?

etad etad iti trir aṅgulyā nirdiśati // (13) Par.?

divaḥ khīlo 'vatata ity anuprahṛtaṃ yajamāno 'numantrayate // (14) Par.?

Duration=0.24107599258423 secs.