Texts

Help

Select a text:
Bibliography
Select a chapter:
 (no revisions)
Associated topic(s): cāturmāsya

Show parallels  Show headlines
Use dependency labeler
Chapter id: 16881
  • Click on a sentence to show its analysis
  • Keep the mouse pointer over a lemma to show its meanings.
dakṣiṇataḥ ṣaṭkapālāny upadhāya dhruvam asīti prathamena mantreṇānvāhāryapacane dhānābhyaḥ kapālam upadadhāti makhasya śiro 'sīti ṣaṭkapālam adhiśritya tenaiva mantreṇa gharmāḥ stha viśvāyuva iti saṃnamya vā dhānā āvapati tāś ca vidahyamānāḥ śerate vidahyamānā bahurūpā bhavanti // (1) Par.?
parigṛhīta uttarasmin parigrāhe patnīsaṃnahanād anyat saṃpreṣyati // (2) Par.?
na patny anvāste na saṃyājayantīti vijñāyate // (3) Par.?
caturgṛhītāny uttareṇa gārhapatyam ājyāni gṛhṇāti dvir vopabhṛti // (4) Par.?
vedistaraṇe prācīnāvīty agreṣu barhir abhigṛhya vediṃ stṛṇaṃs triḥ prasavyaṃ dhūnvan paryeti // (5) Par.?
śiṣṭān abhigṛhītān darbhān prastarīkṛtyopavīya trir adhūnvann astṛṇan pradakṣiṇaṃ paryeti // (6) Par.?
dvau trīn vā paridhīn paridadhāti // (7) Par.?
yadi trīn āvāhane paridhīṃr aporṇv ity ucyamāne vā dakṣiṇaṃ madhyame paridhāv upasamasyati // (8) Par.?
Duration=0.162278175354 secs.