Texts

Select a text:
Bibliography

Select a chapter:
(no revisions)

Associated topic(s): cāturmāsya

Show parallels Show headlines
Use dependency labeler

Chapter id: 16897

Click on a sentence to show its analysis
Keep the mouse pointer over a lemma to show its meanings.

asau te rudra paśur iti vā nirdiśed yaṃ dviṣyāt // (1) Par.?

catuṣpathe sthaṇḍilam ullikhyaikolmukaṃ nidhāyopasamidhya paristīrya madhyamena palāśaparṇena sarvebhyaḥ puroḍāśānām uttarārdhebhyaḥ sakṛt sakṛd avadāyaiṣa te rudra bhāga iti tasminn agnau juhoti // (2) Par.?

etat parṇaṃ yaṃ dviṣyāt tasya saṃcare paśūnāṃ nyasyet // (3) Par.?

bheṣajaṃ gava iti dvābhyām agnim upatiṣṭhante 'vāmba rudramadimahīti yajamāno japati // (4) Par.?

yajamānasyāmātyāḥ sarva ekam ekaṃ puroḍāśam ādāya tryambakaṃ yajāmaha ity etam agniṃ pradakṣiṇaṃ dakṣiṇān ūrūn āghnānāḥ pariyanti // (5) Par.?

tān puroḍāśān ūrdhvam udasya pratilabhyottaratas tiṣṭhato yajamānasyāñjalau samopya bhagaḥ stha bhagasya vo lapsīyety upādadate // (6) Par.?

evaṃ dvitīyaṃ tṛtīyaṃ ca // (7) Par.?

tṛtīye paryāye nopādadate // (8) Par.?

bhagena tvā saṃsṛjāmi māsareṇa surām iveti saṃsṛjanti // (9) Par.?

tam ādāya vṛkṣe badhnāti // (10) Par.?

eṣa te rudra bhāga iti praṇavāntenā tamitor upatiṣṭhante // (11) Par.?

apaḥ pariṣicyāpratīkṣam āyanti // (12) Par.?

hastapādān prakṣālya yathetam etya goṣṭhe mārjayante // (13) Par.?

Duration=0.043756008148193 secs.