Texts

Select a text:
Bibliography

Select a chapter:
(no revisions)

Associated topic(s): agniṣṭoma, sacrificial ground, place of sacrifice, devayajana

Show parallels Show headlines
Use dependency labeler

Chapter id: 16940

Click on a sentence to show its analysis
Keep the mouse pointer over a lemma to show its meanings.

yad dṛḍhasthaṇḍilaṃ śuddham uccatamam acchidram avalmīkam aniriṇam apāṣāṇaṃ samaṃ pratiṣṭhitaṃ prākpravaṇam udakpravaṇaṃ vā śuddhauṣadhi śuddhadravyaṃ pradakṣiṇodakaṃ śvetamṛttikaṃ pītamṛttikaṃ vā devabrāhmaṇajuṣṭam anāsuraṃ sunimitropalakṣitam // (1) Par.?

purastād devayajanād devayajanamātrā na śiṣṭā devayajanam ity ācakṣate // (2) Par.?

kalyāṇyo vā dakṣiṇā devayajane pramāṇam // (3) Par.?

edam aganma devayajanaṃ pṛthivyā iti yakṣyamāṇo devayajanam adhyavasyati // (4) Par.?

purohaviṣi devayajane yājayed iti brāhmaṇoktāni kāmyāni devayajanāni yathākāmam // (5) Par.?

atra sarvataḥ pariśritāṃ purastādunnatāṃ pratidigdvārāṃ prācīnavaṃśāṃ śālāṃ kurvanty uttarataḥpurastāt pañcamaṃ dvāram // (6) Par.?

avāntaradikṣu sraktayaḥ // (7) Par.?

sraktiṣv ārokāḥ // (8) Par.?

paścāt patnīśālā prāgdvārā // (9) Par.?

atha prāg dīkṣaṇīyāyā agnir yajurbhir iti saṃbhārayajūṃṣy āhavanīye hutvā vāgghoteti manasānudrutyānuvākena juhoti // (10) Par.?

dīkṣitānnaṃ na bhuñjate prāg agnīṣomīyād vibhakte yajñārthe śeṣād bhuñjīran krīte vā rājani // (11) Par.?

somāya rājñe śālāyāṃ pāyasamannaṃ lājāṃś cā krayād upāharanti // (12) Par.?

Duration=0.077237844467163 secs.