Texts

dvādaśarātraṃ bhṛtiṃ vanvānaḥ pūṣā sanyeti sanīhārān prahiṇoti // (1) Par.?

candramasītyādyair yathārūpaṃ hiraṇyādi pratigṛhṇīyāt // (2) Par.?

devaḥ savitā vasor vasudāvetītarāṇy aparimitā gāva ekaikaṃ vā // (3) Par.?

tāsāṃ naṣṭāṃ ca vāyave tvety anudiśati // (4) Par.?

apsu mṛtāṃ varuṇāya tveti // (5) Par.?

saṃśīrṇāṃ nirṛtyai tvety api vāvasannām // (6) Par.?

vidyuddhatāṃ marudbhyas tveti // (7) Par.?

jvarahatāṃ rudrāya tveti // (8) Par.?

senābhigṛhītām indrāya tvā prasahvana iti // (9) Par.?

avijñātavyādhimṛtāṃ yamāya tveti // (10) Par.?

yānudiṣṭāsv adhigatā tām anudiṣṭāyai devatāyā ālabheta dakṣiṇābhir vā saha dadyāt // (11) Par.?

yadi tvarayā svayaṃ prayāty araṇīṣv agnīn pṛthag āropya saha prayāti // (12) Par.?

bhadrād abhi śreya iti taṃ prayāntam adhvaryur anumantrayate // (13) Par.?

yajamāno 'raṇīṃ dakṣiṇena pariśritya vratayati // (14) Par.?

āpaḥ santi ced devīr āpa ity avagāhyācchinnaṃ tantuṃ pṛthivyā anugeṣam iti loṣṭaṃ hastena vimṛjyā kūlāt setuṃ kurvann ivātyeti // (15) Par.?

pṛthivyā saṃbhavety atiśiṣṭaṃ nidadhāti // (16) Par.?

athemam avasya vara ā pṛthivyā iti prayāsyan devayajanam adhyavasyati // (17) Par.?

āre śatrūn kṛṇuhi sarvavīra ity udyantam ādityam upatiṣṭhate // (18) Par.?