Texts

Select a text:
Bibliography

Select a chapter:
(no revisions)

Associated topic(s): agniṣṭoma, somakraya, -vikraya, buying Soma

Show parallels Show headlines
Use dependency labeler

Chapter id: 16976

Click on a sentence to show its analysis
Keep the mouse pointer over a lemma to show its meanings.

avaśiṣṭaṃ rājānaṃ prajābhyas tvety upasamūhya vāsaso 'ntān samuccitya dviguṇenoṣṇīṣeṇa prāṇāya tveti pradakṣiṇam upanahyati // (1) Par.?

vyānāya tvety anuśṛnthati // (2) Par.?

prajās tvam anu prāṇihi prajās tvāmanu prāṇantv iti rājānaṃ yajamānam avekṣayati // (3) Par.?

enaṃ carmaṇi nidadhāti // (4) Par.?

deva sūrya somaṃ kreṣyāma ity ādityam upatiṣṭhate somavikrayī ca rājānaṃ carmaṇa ādatte // (5) Par.?

somavikrayin krayyas te somo rājeti somavikrayiṇaṃ pṛcchati // (6) Par.?

krayya itītaraḥ pratyāha // (7) Par.?

somaṃ te krīṇāmīty uktvā gor mahimā mahān iti manvānaḥ kalayā te krīṇāni kuṣṭhayā te krīṇāni śaphena te krīṇāni padā te krīṇānīti pratyekaṃ tisraḥ paṇate // (8) Par.?

svayaṃ gos trīn pādān paṇitān pratiṣidhya gavā te krīṇānīti gām eva paṇate // (9) Par.?

bhūyo vā ataḥ somo rājārhatīty ā saṃkhyāsaṃpadaḥ somavikrayī pratyāha // (10) Par.?

bhūya evātaḥ somo rājārhatīty adhvaryuḥ pratinandya śukraṃ te śukreṇa krīṇāmīti hiraṇyaṃ paṇate // (11) Par.?

vikrayy etad ādatte // (12) Par.?

tapasas tanūr asīty ajām // (13) Par.?

vāsasā te krīṇānīti vāsaḥ // (14) Par.?

caturbhiḥ saṃkhyāṃ sampādayati // (15) Par.?

Duration=0.10459995269775 secs.