Texts

Help

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 16985

Click on a sentence to show its analysis
Keep the mouse pointer over a lemma to show its meanings.

amāvāsyāyāṃ yad ahaś candramasaṃ na paśyanti tad ahaḥ piṇḍapitṛyajñaṃ kurute // (1) Par.?

aparāhṇe 'dhivṛkṣasūrye vā piṇḍapitṛyajñena caranti // (2) Par.?

apāṃ medhyaṃ yajñiyam iti samūlaṃ sakṛdācchinnaṃ barhir āharati // (3) Par.?

sakṛdācchinnāni vā tṛṇāny upamūlaṃ dināni // (4) Par.?

dakṣiṇāprāgagrair darbhair dakṣiṇam agniṃ paristīrya dakṣiṇataḥ paścād vā darbhān saṃstīrya dakṣiṇāprāñcy ekaikaśaḥ piṇḍapitṛyajñapātrāṇi prayunakti sphyaṃ mekṣaṇaṃ kṛṣṇājinam ulūkhalaṃ musalaṃ śūrpam ājyasthālīṃ carusthālīṃ yena cānyenārthī bhavati // (5) Par.?

dakṣiṇataḥ prāgīṣaṃ vrīhimac chakaṭam avasthitaṃ bhavati // (6) Par.?

adhvaryur upavītī sthālīm ekapavitreṇāntardhāya tayā dakṣiṇataḥ śakaṭād adhi nirvapaty uttarato vā // (7) Par.?

tāṃ pūrayitvā nimārṣṭi // (8) Par.?

mṛnmaye nirvapati pitṛbhyo vo juṣṭaṃ nirvapāmīti tūṣṇīṃ vā // (9) Par.?

apareṇānvāhāryapacanaṃ pratyagudaggrīve kṛṣṇājina ulūkhale pratiṣṭhite dakṣiṇāprācī tiṣṭhantī patny avahanti parāpāvam avivekam // (10) Par.?

sakṛt phalīkaroti // (11) Par.?

dakṣiṇāgnau jīvataṇḍulaṃ śrapayati // (12) Par.?

apahatā asurā rakṣāṃsi piśācā vediṣada ity antarā gārhapatyānvāhāryapacanau dakṣiṇāpūrveṇa vānvāhāryapacanaṃ dakṣiṇāprācīm ekasphyāṃ parācīṃ vedim uddhatya śundhantāṃ pitara ity adbhir avokṣyāyantu pitaro manojavasa ity abhimantrya sakṛdācchinnaṃ barhir ūrṇāmṛdu syonaṃ pitṛbhyas tvā bharāmy aham / (13.1) Par.?

asmin sīdantu me pitaraḥ somyāḥ pitāmahāḥ prapitāmahāś cānugaiḥ saheti sakṛdācchinnena barhiṣā vediṃ stṛṇāti // (13.2) Par.?

Duration=0.062494039535522 secs.