Texts

Help

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 17004

Click on a sentence to show its analysis
Keep the mouse pointer over a lemma to show its meanings.

atra pūrvavat pavitre karoti yadi na saṃnayati // (1) Par.?

saṃnayatas tu te vibhavataḥ // (2) Par.?

vānaspatyo 'si devebhyaḥ śundhasveti praṇītāpraṇayanaṃ camasam adbhiḥ parikṣālayati tūṣṇīṃ kaṃsaṃ mṛnmayaṃ ca / (3.1) Par.?

kaṃsena praṇayed brahmavarcasakāmasya mṛnmayena pratiṣṭhākāmasya godohanena paśukāmasya / (3.2) Par.?

apareṇa gārhapatyaṃ pavitrāntarhitaṃ camasaṃ nidhāya tasmin ko vo gṛhṇāti sa vo gṛhṇātu kasmai vo gṛhṇāmi tasmai vo gṛhṇāmi poṣāya va ity apa ānayati // (3.3) Par.?

apo gṛhṇan grahīṣyaṃś ca pṛthivīṃ manasā dhyāyati // (4) Par.?

upabilaṃ camasaṃ pūrayitvā prokṣaṇīvad utpūyābhimantrya brahmann apaḥ praṇeṣyāmi yajamāna vācaṃ yaccheti saṃpreṣyati // (5) Par.?

sarvatra prasava ukte karoti // (6) Par.?

praṇīyamānāsu vācaṃ yacchato 'dhvaryur yajamānaś cāhaviṣkṛtaḥ // (7) Par.?

ko vaḥ praṇayati sa vaḥ praṇayatv apo devīḥ praṇayāni yajñaṃ saṃsādayantu naḥ / (8.1) Par.?

iraṃmadantīr ghṛtapṛṣṭhā udākuḥ sahasrapoṣaṃ yajamāne nyañcatīr iti samaṃ prāṇair dhārayamāṇaḥ sphyenopasaṃgṛhyāviṣiñcan harati // (8.2) Par.?

pṛthivīṃ ca manasā dhyāyati // (9) Par.?

ko vo yunakti sa vo yunaktv ity uttareṇāhavanīyam asaṃspṛṣṭā darbheṣu sādayati // (10) Par.?

neṅgayanti nelayanty ā saṃsthātor darbhair abhicchādya // (11) Par.?

saṃviśantāṃ daivīr viśaḥ pātrāṇi devayajyāyā iti sapavitreṇa pāṇinā pātrāṇi saṃmṛśya // (12) Par.?

Duration=0.21835207939148 secs.