Texts

prācīnavaṃśaṃ vimitaṃ minvanti purastād unnatam // (1) Par.?

tasya pratidiśaṃ dvārāṇi bhavanti / (2.1) Par.?

uttarapūrvam avāntaradeśaṃ prati pañcamaṃ dvāram // (2.2) Par.?

sraktiṣv ārokān kurvantīty ekeṣām // (3) Par.?

tasmin saptahotāraṃ manasānudrutyāhavanīye sagrahaṃ juhoti // (4) Par.?

dīkṣaṇīyām iṣṭiṃ nirvapati // (5) Par.?

āgnāvaiṣṇavam ekādaśakapālam āgnāvaiṣṇavaṃ vā ghṛte carum // (6) Par.?

patnīsaṃyājāntā dīkṣaṇīyā saṃtiṣṭhate // (7) Par.?

yat prāg agnīṣomīyāt sarvaṃ tad upāṃśu kriyate // (8) Par.?

nātrānvāhāryo bhavati // (9) Par.?

uttareṇa prāgvaṃśaṃ pariśrite yajamānaḥ keśaśmaśru vāpayate // (10) Par.?

tasya dakṣiṇaṃ godānam unatty āpa udantu jīvasa iti // (11) Par.?

treṇyā śalalyā vinīya trīṇi darbhapuñjīlāny ūrdhvāgrāṇy upaniyacchaty oṣadhe trāyasvainam iti // (12) Par.?

svadhite mainaṃ hiṃsīr iti svadhitinādhinidadhāti // (13) Par.?

devaśrūr etāni pra vapa iti pravapati // (14) Par.?

svasty uttarāṇy aśīyety etaṃ mantraṃ yajamāno japati // (15) Par.?

śmaśrūṇy agre vāpayate 'thopapakṣāv atha keśān iti vijñāyate // (16) Par.?

audumbareṇa dantadhāvanena dato dhāvate lohitam anāgamayan // (17) Par.?

dantān prakṣālyābhyantaraṃ nakhāni kārayate // (18) Par.?

savyasyāgre kaniṣṭhikātaḥ / (19.1) Par.?

atha dakṣiṇasya // (19.2) Par.?

hastyāny agre 'tha padyāni // (20) Par.?

yal lomaśam avakāvalaṃ tīrthaṃ tasmin snāti // (21) Par.?

sthāvarāḥ saṃtatā bhavanti // (22) Par.?