Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17040
  • Click on a sentence to show its analysis
  • Keep the mouse pointer over a lemma to show its meanings.
na purā somasya krayād aporṇvīta // (1) Par.?
na purā dakṣiṇābhyo netoḥ kṛṣṇaviṣāṇām avacṛtet // (2) Par.?
kṛṣṇaviṣāṇayā kaṇḍūyate // (3) Par.?
apigṛhya smayate // (4) Par.?
amedhyaṃ dṛṣṭvā japaty abaddhaṃ mano daridraṃ cakṣuḥ sūryo jyotiṣāṃ śreṣṭho dīkṣe mā mā hāsīr iti // (5) Par.?
abhivṛṣyamāṇo japaty undatīr balaṃ dhattaujo dhatta balaṃ dhatta mā me dīkṣāṃ mā tapo nirvadhiṣṭeti // (6) Par.?
na dīkṣitavimitāt pravaset // (7) Par.?
nainam anyatra dīkṣitavimitāt sūryo 'bhyudiyān nābhyastamiyāt // (8) Par.?
dakṣiṇata āhavanīyam abhyāvṛtya śayīta // (9) Par.?
na nyaṅ śayīta nottānaḥ / (10.1) Par.?
nāgner apaparyāvarteta // (10.2) Par.?
yathartu smayet / (11.1) Par.?
yathartu niṣkrāmatīti vijñāyate // (11.2) Par.?
yathākālaṃ bruvate // (12) Par.?
na niṣṭhīven na dato dhāven na divā vicāraṃ kuryān na mūtram // (13) Par.?
yadi kuryāc chāyāyāṃ kuryāt // (14) Par.?
apo muñcāmi na prajāmaṃhomucaḥ svāhākṛtāḥ pṛthivīm āviśateti mūtraṃ visṛjati // (15) Par.?
na pacati na dadāti na kāṃcanāhutiṃ juhoty anyatra somāṅgebhyaḥ // (16) Par.?
karśed ātmānaṃ yāvad asya kṛṣṇam akṣyor naśyati // (17) Par.?
kṛṣṇājinān na chidyeta / (18.1) Par.?
evaṃ daṇḍāt // (18.2) Par.?
Duration=0.08823299407959 secs.