Texts

saṃmitam abhimṛśati vaiṣṇavam asi viṣṇave tveti // (1) Par.?

saṃmitād yajamānaṃ prāñcam upaniṣkrāmati pra tad viṣṇuḥ stavate vīryāya mṛgo na bhīmaḥ kucaro giriṣṭhāḥ / (2.1) Par.?

yasyoruṣu triṣu vikramaṇeṣv adhikṣiyanti bhuvanāni viśvā / (2.2) Par.?

iti / (2.3) Par.?

triḥ prakrāmayatīti vijñāyate // (2.4) Par.?

upaniṣkrāmatīty ekeṣām // (3) Par.?

prācīnavaṃśaṃ havirdhānaṃ minvanti // (4) Par.?

prācīnavaṃśam āgnīdhraṃ dakṣiṇādvāram ardham antarvedy ardhaṃ bahirvedi // (5) Par.?

tiraścīnam udagāyataṃ sadaḥ // (6) Par.?

tatraiṣo 'tyantapradeśaḥ / (7.1) Par.?

na prāṅ havirdhāne atīyād adhvaryuḥ // (7.2) Par.?

yady atīyād vaiṣṇavyarcā saṃcaret kṣaitrapatyā vā // (8) Par.?

na pratyak sado 'tīyāt // (9) Par.?

yady atīyād aindryarcā saṃcared iti vijñāyate // (10) Par.?

paścārdhyāc chaṅkos trīn prācaḥ prakramān prakramya audumbarīṃ sarvasya sadaso madhyato minoti // (11) Par.?

dakṣiṇena pṛṣṭhyāṃ prakrama audumbarīṃ sarvasya sadaso madhyato minoti // (12) Par.?

navāratni tiryak saptaviṃśatir udagāyatam iti sadaso vijñāyate / (13.1) Par.?

aṣṭādaśety ekeṣām // (13.2) Par.?

yāvad ṛtvigbhyo dhiṣṇiyebhyaḥ prasarpakebhya āptaṃ manyate tāvat sadaḥ karotīty ekeṣām // (14) Par.?

sāvitreṇābhrim ādāyaudumbaryā avaṭaṃ parilikhati parilikhitaṃ rakṣaḥ parilikhitā arātaya iti // (15) Par.?

khātvā yavamatībhiḥ prokṣaṇībhir audumbarīṃ prokṣati / (16.1) Par.?

dive tvety agram / (16.2) Par.?

antarikṣāya tveti madhyam / (16.3) Par.?

pṛthivyai tveti mūlam // (16.4) Par.?

apām avanayanaṃ yavasya prāsanaṃ barhiṣo 'vastaraṇam iti yūpo vyākhyātam // (17) Par.?