Texts

Help

Select a text:
Bibliography

Select a chapter:
1 revision

Associated topic(s): vānaprastha

Show parallels Show headlines
Use dependency labeler

Chapter id: 17088

Click on a sentence to show its analysis
Keep the mouse pointer over a lemma to show its meanings.

rātrau nāśnīyāt // (1) Par.?

adhastād darbhāṃs tṛṇāni parṇāni vāstīrya suvrataḥ suvratāṃ patnīṃ vinaikaḥ śayīta // (2) Par.?

sāsya śuśrūṣāṃ karoti // (3) Par.?

enāṃ nopagacchet // (4) Par.?

mātṛvan niṣkāmaḥ prekṣetordhvaretā jitendriyaḥ // (5) Par.?

darśapūrṇamāsau cāturmāsyaṃ nakṣatreṣṭim āgrayaṇeṣṭiṃ ca vanyauṣadhībhiḥ pūrvavad yajed anukramāt // (6) Par.?

mūlaiḥ phalaiḥ pattraiḥ puṣpair vā tattatkālena pakvaiḥ svayam eva saṃśīrṇaiḥ prāṇaṃ pravartayann uttarottare 'py adhikaṃ tapaḥsaṃyogaṃ phalādiviśiṣṭam ācaret // (7) Par.?

atha vāhitāgniḥ sarvān agnīn araṇyām āropya sarvaiḥ saṃvāpamantraiḥ pārthivān vānaspatyāṃś ca sarvān samūhya nirmanthyaitena vidhināgnim agnyādheyavidhānena ca mantraiḥ sarvaiḥ sabhyāgnyāyatane śrāmaṇakāgnim ādhāyāharet // (8) Par.?

sabhyasya bhedaḥ śrāmaṇakāgnir ity āhuḥ // (9) Par.?

apatnīkaś ca bhikṣuvad agnau homaṃ hutvāraṇyādipātrāṇi ca prakṣipya putre bhāryāṃ nidhāya tathāgnīn ātmany āropya valkalopavītādīn bhikṣāpātraṃ ca saṃgṛhyānagnir adāro gatvā vane nivaset // (10) Par.?

tapasāṃ śramaṇam etan mūlaṃ tasmād etadvidhānam enam agniṃ ca śrāmaṇakam ity āha vikhanāḥ // (11) Par.?

Duration=0.14745187759399 secs.