Texts

Select a text:
Bibliography

Select a chapter:
1 revision

Associated topic(s): cremation, death rites, funeral rites, aurdhvadehika, pitṛmedha

Show parallels Show headlines
Use dependency labeler

Chapter id: 17112

Click on a sentence to show its analysis
Keep the mouse pointer over a lemma to show its meanings.

saṃnyāsino 'nāhitāgner dehaṃ mṛtaṃ putro 'nyo vā tṛṇair antarīkṛtya śuddhair brāhmaṇair yantreṇa vā saṃnidhāya samudragāmyāṃ nadyāṃ tīre vā saikate deśe sṛgālādibhir aspṛśyaṃ yathā tathāvaṭaṃ khanati // (1) Par.?

gāyatryā snāpayitvā tathā tatrāsayitvā śāyayitvā vā dakṣiṇe haste vaiṣṇavair mantrais tridaṇḍaṃ saṃnyasya savye yad asya pāre rajasa iti śikyam appavitram udare sāvitryā bhikṣāpātraṃ guhyapradeśe bhūmir bhūmim iti kāṣāyaṃ mṛdgrahaṇīṃ kamaṇḍaluṃ ca saṃnyasya pidadhyāt // (2) Par.?

tasmin sṛgālādibhiḥ spṛṣṭe tatkartā pāpīyān bhavati // (3) Par.?

āhitāgner agnīn ātmany āropya saṃnyāsino mṛtaṃ dehaṃ gāyatryā snāpayitvā pūrvavad vāhayitvā śuddhe deśe nidhāya laukikāgnau tadagnim upāvarohety avaropya pavitraṃ ta iti ghṛtakṣīram āsye prakṣipya pūrvavat tridaṇḍādīn vinyasya brahmamedhena pitṛmedhena vāhitāgnimantrais tadagnibhir dahanam ācarati // (4) Par.?

tayor āśaucodakabalipiṇḍadānaikoddiṣṭādīn naiva kuryāt // (5) Par.?

nārāyaṇabaliṃ karoti // (6) Par.?

tadvahanaṃ khanitvā pidhānaṃ dahanaṃ nārāyaṇabaliṃ vā yaḥ kuryāt so 'śvamedhaphalaṃ samāpnuyāt // (7) Par.?

Duration=0.042859077453613 secs.