Texts

tau devau śukrāmanthinau / (1.1) Par.?

kalpayataṃ daivīr viśaḥ / (1.2) Par.?

kalpayataṃ mānuṣīḥ / (1.3) Par.?

iṣam ūrjam asmāsu dhattam / (1.4) Par.?

prāṇān paśuṣu / (1.5) Par.?

prajāṃ mayi ca yajamāne ceti // (1.6) Par.?

purastāt pratyañcāv uttaravedim ākramya bahirvedy aprokṣitau śakalau nirasyatas tenaiva mantreṇa // (2) Par.?

apa upaspṛśyāgnau prokṣitau prāsyataḥ / (3.1) Par.?

śukrasya samid asi ity adhvaryuḥ / (3.2) Par.?

manthinaḥ samid asīti pratiprasthātā // (3.3) Par.?

paścāt prāñcaś camasādhvaryavaś camasair avatiṣṭhante // (4) Par.?

āśrāvya pratyāśrāvite saṃpreṣyati prātaḥ prātaḥsāvasya śukravato manthivato madhuścuta indrāya somān prasthitān preṣya madhyataḥkāriṇāṃ camasādhvaryavo vaṣaṭkṛtānuvaṣaṭkṛtāñ juhuta hotrakāṇāṃ camasādhvaryavaḥ sakṛt sakṛd bhūtvā śukrasyābhyunnīyopāvartadhvam iti // (5) Par.?

vaṣaṭkṛte juhvati // (6) Par.?

śukrāmanthinau juhutaḥ / (7.1) Par.?

sa prathamaḥ saṃkṛtir viśvakarmā / (7.2) Par.?

sa prathamo mitro varuṇo agniḥ / (7.3) Par.?

sa prathamo bṛhaspatiś cikitvān / (7.4) Par.?

tasmā indrāya sutam ā juhomi svāhā / (7.5) Par.?

ity adhvaryuḥ / (7.6) Par.?

tasmai sūryāya sutam ā juhomi svāheti pratiprasthātā // (7.7) Par.?

sānuvaṣaṭkārāv eke śukrāmanthinau samāmananti / (8.1) Par.?

ananuvaṣaṭkārāv eke / (8.2) Par.?

anyataraṃ sānuvaṣaṭkāram eke // (8.3) Par.?

anuvaṣaṭkṛte madhyataḥkāriṇāṃ camasāj juhvaty apayacchantītarān // (9) Par.?

uttarataḥpurastād aṅgārān nirvartya pratiprasthātā manthinaḥ saṃsrāvaṃ juhoty eṣa te rudra bhāgo yaṃ nirayācathās taṃ juṣasva svāheti // (10) Par.?

sūdavacchukrapātram āyatane sādayitvā saṃpreṣyati praitu hotuś camasaḥ pra brahmaṇaḥ prodgātuḥ pra yajamānasyeti // (11) Par.?

ete madhyataḥkāriṇāṃ camasā bhavanti // (12) Par.?