Texts

tṛṇaṃ prāsyāgner anīkam apa ā viveśeti srucyam āghāram āghārayati // (1) Par.?

yadi vā purā tṛṇaṃ bhavati tasminn eva juhoti // (2) Par.?

barhiṣy eva sarvā āhutīr juhoti // (3) Par.?

samānam ā pravarāt // (4) Par.?

āśrāvyāha tiṣṭha hotar iti / (5.1) Par.?

etāvān pravaraḥ // (5.2) Par.?

nārṣeyaṃ vṛṇīte na hotāram // (6) Par.?

apabarhiṣaś caturaḥ prayājān yajati // (7) Par.?

ājyabhāgābhyāṃ pracarya puroḍāśasyādāya varuṇaṃ yajati // (8) Par.?

sarvaṃ puroḍāśam avadāyāgnīvaruṇau sviṣṭakṛtau yajati // (9) Par.?

tataḥ saṃpreṣyaty agnīd apaḥ sakṛt saṃmṛḍḍhīti // (10) Par.?

apa evāgnīdhraḥ sakṛt saṃmārṣṭi / (11.1) Par.?

āpo vājajito vājaṃ vaḥ sasruṣīr vājaṃ jigyuṣīr vājinīr vājajito vājajityāyai saṃmārjmy apo annādīr annādyāyety apaḥ saṃmārṣṭi // (11.2) Par.?

apabarhiṣau dvāv anūyājau yajati // (12) Par.?

devau yajeti pūrvam anūyājaṃ saṃpreṣyati / (13.1) Par.?

yajety uttaram // (13.2) Par.?

ṛjīṣasya srucaṃ pūrayitvāpsūpamārayati samudre te hṛdayam apsv antar iti // (14) Par.?

yatra yatra bindur ivoccaret tad bhakṣayed apsu dhautasya soma deva ta iti // (15) Par.?

upaspṛśyam evety ekeṣām // (16) Par.?

avabhṛthaṃ saṃprakiraty avabhṛtha nicaṅkuṇeti // (17) Par.?

abhipragāhyānupamakṣantau sahaśirasau snāto yajamānaḥ patnī ca // (18) Par.?

anyonyasya ca pṛṣṭhe pradhāvete sumitrā na āpa oṣadhayaḥ santv iti // (19) Par.?