Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17184
  • Click on a sentence to show its analysis
  • Keep the mouse pointer over a lemma to show its meanings.
api vā maitrāvaruṇīm āmikṣāṃ paśukāmaḥ kurvītānūbandhyāyā vikalpārthām // (1) Par.?
purastāt tv eva keśaśmaśru vāpayate // (2) Par.?
agreṇa havirdhānam āsīno hotā yajati // (3) Par.?
devikāhavirbhiḥ pracaryāmikṣāyai devatena pracarati // (4) Par.?
havirāhutiprabhṛtīḍāntā saṃtiṣṭhate // (5) Par.?
tantram āmikṣāyai devikāhaviṣāṃ ca sviṣṭakṛdiḍam // (6) Par.?
sadohavirdhāne prathamakṛtān granthīn visrasya havirdhāne udīcī abhipravartayanti // (7) Par.?
āhavanīyād barhir upoṣati yat kusīdam apratīttaṃ mayīti // (8) Par.?
yadi miśram iva cared añjalinā saktūn pradāvye juhuyād viśvalopa viśvadāvasya tvāsañ juhomīti // (9) Par.?
tato devatā upatiṣṭhate 'yaṃ no nabhasā pura ity āhavanīyaṃ pradāvyaṃ vā / (10.1) Par.?
sa tvaṃ no nabhasaspata iti vāyum / (10.2) Par.?
deva saṃsphānety ādityam // (10.3) Par.?
yūpam upasthāya pṛthag araṇīṣv agnīn samāropayati prājahitaṃ dakṣiṇāgnim / (11.1) Par.?
śālāmukhīyaṃ tṛtīyaṃ gataśrīḥ samāropayate // (11.2) Par.?
antareṇa cātvālotkarāvatīmokṣān japanta udavasyanti yathā darśapūrṇamāsayoḥ // (12) Par.?
prāñca udavasyanty udañco vā / (13.1) Par.?
prāñcodañca ityekeṣām // (13.2) Par.?
Duration=0.1369571685791 secs.