Texts

dvayaṃ vā abhyuparavāḥ khāyante / (1.1) Par.?

śiro vai yajñasya havirdhānam / (1.2) Par.?

tad ya ime śīrṣaṃś catvāraḥ kūpā imāv aha dvāv imau dvau tān evaitat karoti / (1.3) Par.?

tasmād uparavān khanati // (1.4) Par.?

devāś ca vā asurāś cobhaye prājāpatyāḥ paspṛdhire / (2.1) Par.?

tato 'surā eṣu lokeṣu kṛtyāṃ valagān nicakhnur utaivaṃ cid devān abhibhavemeti // (2.2) Par.?

tad vai devā aspṛṇvata / (3.1) Par.?

ta etaiḥ kṛtyā valagān udakhanan / (3.2) Par.?

yadā vai kṛtyām utkhananty atha sālasā moghā bhavati / (3.3) Par.?

tatho evaiṣa etad yady asmā atra kaścid dviṣan bhrātṛvyaḥ kṛtyāṃ valagān nikhanati tān evaitad utkirati / (3.4) Par.?

tasmād uparavān khanati / (3.5) Par.?

sa dakṣiṇasya havirdhānasyādho 'dhaḥ praugaṃ khanati // (3.6) Par.?

so 'bhrim ādatte devasya tvā savituḥ prasave 'śvinor bāhubhyām pūṣṇo hastābhyām ādade nāry asīti / (4.1) Par.?

samāna etasya yajuṣo bandhuḥ / (4.2) Par.?

yoṣo vā eṣā yad abhriḥ / (4.3) Par.?

tasmād āha nāry asīti // (4.4) Par.?

tān prādeśamātraṃ vinā parilikhatīdam ahaṃ rakṣasāṃ grīvā apikṛntāmīti / (5.1) Par.?

vajro vā abhriḥ / (5.2) Par.?

vajreṇaivaitan nāṣṭrāṇāṃ rakṣasāṃ grīvā apikṛntati // (5.3) Par.?

tad yāv etau pūrvau tayor dakṣiṇam evāgre parilikhed athāparayor uttaram athāparayor dakṣiṇam atha pūrvayor uttaram // (6.1) Par.?

atho itarathāhur aparayor evāgra uttaram parilikhed atha pūrvayor dakṣiṇam athāparayor dakṣiṇam atha pūrvayor uttaram iti / (7.1) Par.?

atho api samīca eva parilikhet / (7.2) Par.?

etaṃ tv evottamam parilikhed ya eṣa pūrvayor uttaro bhavati // (7.3) Par.?

tān yathāparilikhitam eva yathāpūrvaṃ khanati bṛhann asi bṛhadravā iti / (8.1) Par.?

upastauty evainān etan mahayaty eva yad āha bṛhann asi bṛhadravā iti / (8.2) Par.?

bṛhatīm indrāya vācaṃ vadeti / (8.3) Par.?

indro vai yajñasya devatā / (8.4) Par.?

vaiṣṇavaṃ havirdhānam / (8.5) Par.?

tat sendraṃ karoti / (8.6) Par.?

tasmād āha bṛhatīm indrāya vācaṃ vadeti // (8.7) Par.?

rakṣohaṇaṃ valagahanam iti / (9.1) Par.?

rakṣasāṃ hy ete valagānām vadhāya khāyante / (9.2) Par.?

vaiṣṇavīm iti / (9.3) Par.?

vaiṣṇavī hi havirdhāne vāk // (9.4) Par.?

tān yathākhātam evotkiratīdam ahaṃ taṃ valagam utkirāmi yam me niṣṭyo yam amātyo nicakhāneti / (10.1) Par.?

niṣṭyo vā vā amātyo vā kṛtyāṃ valagān nikhanati / (10.2) Par.?

tān evaitad utkirati // (10.3) Par.?

idam ahaṃ taṃ valagam utkirāmi yam me samāno yam asamāno nicakhāneti / (11.1) Par.?

samāno vā vā asamāno vā kṛtyāṃ valagān nikhanati / (11.2) Par.?

tān evaitad utkirati // (11.3) Par.?

idam ahaṃ taṃ valagam utkirāmi yam me sabandhur yam asabandhur nicakhāneti / (12.1) Par.?

sabandhur vā vā asabandhur vā kṛtyāṃ valagān nikhanati / (12.2) Par.?

tān evaitad utkirati // (12.3) Par.?

idam ahaṃ taṃ valagam utkirāmi yam me sajāto yam asajāto nicakhāneti / (13.1) Par.?

sajāto vā vā asajāto vā kṛtyāṃ valagān nikhanati / (13.2) Par.?

tān evaitad utkirati / (13.3) Par.?

ut kṛtyāṃ kirāmīty antata udvapati / (13.4) Par.?

tat kṛtyām utkirati // (13.5) Par.?

tān bāhumātrān khanet / (14.1) Par.?

anto vā eṣaḥ / (14.2) Par.?

antenaivaitat kṛtyām mohayati / (14.3) Par.?

tān akṣṇayā saṃtṛndanti / (14.4) Par.?

yadyakṣṇayā na śaknuyādapi samīcaḥ / (14.5) Par.?

tasmād ime prāṇāḥ paraḥ saṃtṛṇṇāḥ // (14.6) Par.?

tān yathākhātam evāvamarśayati svarāḍ asi sapatnahā satrarāḍ asy abhimātihā janarāḍ asi rakṣohā sarvarāḍ asy amitraheti / (15.1) Par.?

āśīr evaiṣaitasya karmaṇaḥ / (15.2) Par.?

āśiṣam evaitad āśāste // (15.3) Par.?

athādhvaryuś ca yajamānaś ca saṃmṛśete / (16.1) Par.?

pūrvayor dakṣiṇe 'dhvaryur bhavaty aparayor uttare yajamānaḥ / (16.2) Par.?

so 'dhvaryuḥ pṛcchati yajamāna kim atreti / (16.3) Par.?

bhadram ity āha / (16.4) Par.?

tan nau sahety upāṃśv adhvaryuḥ // (16.5) Par.?

athāparayor dakṣiṇe 'dhvaryur bhavati pūrvayor uttare yajamānaḥ / (17.1) Par.?

pṛcchaty adhvaryo kim atreti / (17.2) Par.?

bhadram ity āha / (17.3) Par.?

tan ma iti yajamānaḥ / (17.4) Par.?

tad yad evaṃ saṃmṛśete prāṇān evaitat sayujaḥ kurutaḥ / (17.5) Par.?

tasmād ime prāṇāḥ paraḥ saṃvidre / (17.6) Par.?

atha yat pṛṣṭo bhadram iti pratyāha kalyāṇam evaitan mānuṣyai vāco vadati / (17.7) Par.?

tasmāt pṛṣṭo bhadram iti pratyāha / (17.8) Par.?

atha prokṣati / (17.9) Par.?

eko vai prokṣaṇasya bandhuḥ / (17.10) Par.?

medhyān evaitat karoti // (17.11) Par.?

sa prokṣati rakṣohaṇo vo valagahana iti / (18.1) Par.?

rakṣohaṇo hy ete / (18.2) Par.?

valagahano hy ete / (18.3) Par.?

prokṣāmi vaiṣṇavān iti / (18.4) Par.?

vaiṣṇavā hy ete // (18.5) Par.?

atha yāḥ prokṣaṇyaḥ pariśiṣyante tā avaṭeṣv avanayati / (19.1) Par.?

tad yā imāḥ prāṇeṣv āpas tā evaitad dadhāti / (19.2) Par.?

tasmād eṣu prāṇeṣv imā āpaḥ // (19.3) Par.?

so 'vanayati rakṣohaṇo vo valagahano 'vanayāmi vaiṣṇavān iti / (20.1) Par.?

atha barhīṃṣi prācīnāgrāṇi codīcīnāgrāṇi cāvastṛṇāti / (20.2) Par.?

tad yānīmāni prāṇeṣu lomāni tāny evaitad dadhāti / (20.3) Par.?

tasmād eṣu prāṇeṣv imāni lomāni // (20.4) Par.?

so 'vastṛṇāti rakṣohaṇo vo valagahano 'vastṛṇāmi vaiṣṇavān iti / (21.1) Par.?

atha barhīṃṣi tanūnīvopariṣṭāt pracchādayati / (21.2) Par.?

keśā haivāsyaite // (21.3) Par.?

athādhiṣavaṇe phalake upadadhāti rakṣohaṇau vāṃ valagahanā upadadhāmi vaiṣṇavī iti / (22.1) Par.?

hanū haivāsyaite / (22.2) Par.?

atha paryūhati rakṣohaṇau vāṃ valagahanau paryūhāmi vaiṣṇavī iti / (22.3) Par.?

dṛṃhaty evaine etad aśithile karoti // (22.4) Par.?

athādhiṣavaṇam parikṛttam bhavati sarvarohitam / (23.1) Par.?

jihvā haivāsyaiṣā / (23.2) Par.?

tad yat sarvarohitam bhavati lohinīva hīyaṃ jihvā / (23.3) Par.?

tan nidadhāti vaiṣṇavam asīti / (23.4) Par.?

vaiṣṇavaṃ hy etat // (23.5) Par.?

atha grāvṇa upāvaharati / (24.1) Par.?

dantā haivāsya grāvāṇaḥ / (24.2) Par.?

tad yad grāvabhir abhiṣuṇvanti yathā dadbhiḥ psāyād evaṃ tat / (24.3) Par.?

tān nidadhāti vaiṣṇavā stheti / (24.4) Par.?

vaiṣṇavā hy ete / (24.5) Par.?

etad u yajñasya śiraḥ saṃskṛtam // (24.6) Par.?