Texts

yat tv ekadeśasya sato nānādeśeṣu yugapad darśanam anupapannam iti // (1) Par.?

ādityaṃ paśya devānāṃ priya // (2) Par.?

ekaḥ sann anekadeśāvasthita iva lakṣyate // (3) Par.?

kathaṃ punar avagamyata eka āditya iti // (4) Par.?

ucyate prāṅmukho devadattaḥ pūrvāhne saṃprati purastād ādityaṃ paśyati // (5) Par.?

tasya dakṣiṇato 'vasthito na dvau paśyaty ātmanaś ca saṃprati na tiraścīnaṃ devadattasyārjave // (6) Par.?

tasmād eka āditya iti // (7) Par.?

dūratvād asya deśo nāvadhāryate // (8) Par.?

ato vyāmohaḥ // (9) Par.?

evaṃ śabde 'pi vyāmohād anavadhāraṇaṃ deśasya // (10) Par.?

yadi śrotraṃ saṃyogavibhāgadeśam āgatya śabdaṃ gṛhṇīyāt tathāpi tāvad anekadeśatā kadācid avagamyeta // (11) Par.?

na ca tatsaṃyogadeśam āgacchati // (12) Par.?

pratyakṣā hi karṇaśaṣkulī taddeśā gṛhyate // (13) Par.?

vāyavīyāḥ punaḥ saṃyogavibhāgā apratyakṣasya vāyoḥ karṇaśaṣkulīpradeśe prādurbhavanto nopalabhyanta iti nānupapannam // (14) Par.?

ata eva vyāmoho yan nānādeśeṣu śabda iti // (15) Par.?

ākāśadeśaś ca śabda iti // (16) Par.?

ekaṃ ca punar ākāśam // (17) Par.?

ato 'pi na nānādeśeṣu // (18) Par.?

api caikarūpye sati deśabhedena kāmaṃ deśā eva bhinnā na tu śabdaḥ // (19) Par.?

tasmād ayam apy adoṣaḥ // (20) Par.?