Texts

Help

Select a text:
Bibliography

Select a chapter:
(no revisions)

Associated topic(s): Language, Mīmāṃsā

Show parallels Show headlines
Use dependency labeler

Chapter id: 17283

Click on a sentence to show its analysis
Keep the mouse pointer over a lemma to show its meanings.

uktaṃ codanālakṣaṇo 'rtho dharma iti yato na puruṣakṛtaḥ śabdasyārthena saṃbandhaḥ // (1) Par.?

tatra padavākyāśraya ākṣepaḥ parihṛtaḥ // (2) Par.?

idānīm anyathākṣepsyāmaḥ // (3) Par.?

pauruṣeyāś codanā iti vadāmaḥ saṃnikṛṣṭakālāḥ kṛtakā vedā idānīntanās te ca codanānāṃ samūhās tatra pauruṣeyāś ced vedā asaṃśayaṃ pauruṣeyāś codanāḥ // (4) Par.?

kathaṃ punaḥ kṛtakā vedā iti kecin manyante // (5) Par.?

yataḥ puruṣākhyāḥ puruṣeṇa hi samākhyāyante vedāḥ kāṭhakaṃ kālāpakaṃ paippalādakaṃ mauhulam iti // (6) Par.?

na hi saṃbandhād ṛte samākhyānaṃ na ca puruṣasya śabdenāsti saṃbandho 'nyataḥ kartā puruṣaḥ kāryaḥ śabda iti // (7) Par.?

nanu pravacanalakṣaṇā samākhyā syāt // (8) Par.?

neti brūmaḥ // (9) Par.?

asādhāraṇaṃ hi viśeṣaṇaṃ bhavaty eka eva hi kartā bahavo 'pi prabrūyuḥ // (10) Par.?

ato 'smaryamāṇo 'pi codanāyāḥ kartā syāt // (11) Par.?

tasmān na pramāṇaṃ codanālakṣaṇo 'rtho dharma iti // (12) Par.?

Duration=0.044760942459106 secs.