Texts

Help

Select a text:
Bibliography
Select a chapter:
 (no revisions)
Associated topic(s): Language, Mīmāṃsā

Show parallels  Show headlines
Use dependency labeler
Chapter id: 17298
  • Click on a sentence to show its analysis
  • Keep the mouse pointer over a lemma to show its meanings.
stenaṃ manaḥ // (1) Par.?
anṛtavādinī vāg ityevaṃjātīyakānāṃ dharmaṃ praty aprāmāṇyaṃ bhūtānuvādāt // (2) Par.?
vipariṇāmādibhir api kalpyamāne steyaṃ mṛṣodyaṃ ca kartavyam ity āpatati // (3) Par.?
tac cāśakyaṃ steyānṛtavādapratiṣedham abādhamānenānuṣṭhātum // (4) Par.?
na ca vikalpo vaiṣamyāt // (5) Par.?
ekaḥ kalpyo vidhir ekaḥ pratyakṣaḥ // (6) Par.?
atha dṛṣṭavirodhaḥ // (7) Par.?
tasmād dhūma evāgner divā dadṛśe nārciḥ // (8) Par.?
tasmād arcir evāgner naktaṃ dadṛśe na dhūma iti // (9) Par.?
asmāl lokād utkramyāgnir ādityaṃ gato rātrāv ādityastam ity etad upapādayitum idam ubhayam api dṛṣṭaviruddham ucyate // (10) Par.?
tasmān naiṣāvadhāraṇā sidhyatīti // (11) Par.?
aparo dṛṣṭavirodho na caitad vidmo vayaṃ brāhmaṇā vā smo 'brāhmaṇā vety akriyārthatvād anarthakam // (12) Par.?
athāyam artho naivaitaj jñāyate kiṃ vā brāhmaṇā vayam utābrāhmaṇā eveti pratyakṣaviruddham apramāṇam // (13) Par.?
aparaḥ śāstradṛṣṭena virodhaḥ ko hi tad veda yad amuṣmiṃl loke 'sti vā na veti // (14) Par.?
yadi praśno 'yam akriyārthatvād anarthakaḥ // (15) Par.?
athānavakﾱptiḥ śāstradṛṣṭena virodhaḥ // (16) Par.?
ataḥ pratyakṣaviruddham apramāṇam // (17) Par.?
Duration=0.05143404006958 secs.