Texts

agniṣṭomena vasante yajeta // (1.1) Par.?

āmnātāni devayajanāni // (2.1) Par.?

prācīnapravaṇaṃ nityārtham // (3.1) Par.?

ṛtvijo vṛṇīte mahato yūna ārṣeyān ādityo 'dhvaryuḥ sa me 'dhvaryur adhvaryo tvaṃ me 'dhvaryur asīty adhvaryuṃ / (4.1) Par.?

candramā brahmā sa me brahmā brahmaṃs tvaṃ me brahmāsīti brahmāṇam agnir hotā sa me hotā hotas tvaṃ me hotāsīti hotāraṃ / (4.2) Par.?

parjanya udgātā sa ma udgātodgātas tvaṃ ma udgātāsīty udgātāraṃ / (4.3) Par.?

diśo hotrāśaṃsinyas tā me hotrāśaṃsinyo hotrāśaṃsinyo yūyaṃ me hotrāśaṃsinyaḥ stheti dvādaśa hotṛkān // (4.4) Par.?

maho me 'voca iti vṛtā japanti // (5.1) Par.?

edam aganma devayajanaṃ pṛthivyā yatra devāso ajuṣanta viśve / (6.1) Par.?

ṛksāmābhyāṃ saṃtaranto yajurbhī rāyaspoṣeṇa sam iṣā madema / (6.2) Par.?

iti samūlaṃ devayajanam adhyavasyati // (6.3) Par.?

tatra prācīnavaṃśaṃ kurvanty udyataṃ purastān niyataṃ paścāt // (7.1) Par.?

tanumiśreṇa pariśrayanti // (8.1) Par.?

pariśrayanto 'tirokān kurvanti // (9.1) Par.?

dikṣu dvārāṇi kurvanti dviśayāni sāṃkāśanāni // (10.1) Par.?

pūrvayā dvārā praviśya kratunirdeśaṃ kṛtvā tasminn agnīn viharati // (11.1) Par.?

idaṃ dāsyāmīti nirdeśaḥ // (12.1) Par.?

daikṣam aśanam aśnīto dadhnā madhumiśreṇa yajamānaḥ patnī ca // (13.1) Par.?

amāvāsyāyāṃ dīkṣeta yathā vā parvaṇi sutyā syāt // (14.1) Par.?

saptahotāraṃ manasānudrutya vidhe nāmann iti graheṇa juhoti // (15.1) Par.?

dīkṣaṇīyāṃ nirvapaty āgnāvaiṣṇavam ekādaśakapālaṃ ghṛte vā carum // (16.1) Par.?

apaḥ praṇeṣyann agnir yajurbhir itiprabhṛtīni dvādaśa saṃbhārayajūṃṣi teṣāṃ catvāricatvāri nigadya juhoti // (17.1) Par.?

patnīsaṃyājāntā dīkṣaṇīyā saṃtiṣṭhate // (18.1) Par.?

tasyāṃ mradīyān svaro darśapaurṇamāsikān mradīyān prāyaṇīyāyāṃ mradīyān ātithyāyāṃ dhvānenopasadaḥ / (19.1) Par.?

sarvā upāṃśu devatāḥ // (19.2) Par.?

saṃvṛtya dvārāṇi pracarati // (20.1) Par.?

uttarataḥ pṛṣṭhyādeśasya pariśrityāpo devīr ity abhyundati // (21.1) Par.?

oṣadhe trāyasvainam iti dakṣiṇasmin keśānte darbham antardadhāti // (22.1) Par.?

svadhite mainaṃ hiṃsīr iti kṣureṇābhinidadhāti // (23.1) Par.?

devaśrud imān pravapa iti pravapate // (24.1) Par.?

svasty uttaraṃ aśīyeti yajamāno japati // (25.1) Par.?

keśaśmaśru yajamāno vāpayate // (26.1) Par.?

dato dhāvate // (27.1) Par.?

lomāni saṃhāya nakhān kārayate / (28.1) Par.?

na kakṣau // (28.2) Par.?

patnī nakhāṃś ca kārayīta // (29.1) Par.?

tīrthenāvagāhya sāvakāsu hiraṇyavarṇāḥ śucaya iti sthāvarāsu snātvānūpamrakṣam ācamyod id ābhyaḥ śucir ā pūta emīty utkrāmati // (30.1) Par.?

viṣṇoḥ śarmāsīti kṣaumam āchādayate // (31.1) Par.?

ūrje tveti nīvīṃ kurute // (32.1) Par.?

daikṣaṃ patnī tūṣṇīm // (33.1) Par.?

snātvā prācīnamātṛkaṃ kṣaumaṃ patny āchādayate // (34.1) Par.?

mahīnāṃ payo 'sīti darbhapiñjūlābhyāṃ navanītam āyauti // (35.1) Par.?

varcodhā asīty anulomaṃ trirabhyaṅkte mukham agre 'tha śiraḥ / (36.1) Par.?

svabhyakto bhavaty ā pādābhyām // (36.2) Par.?

śeṣeṇa patny abhyaṅkte // (37.1) Par.?

catasṛbhir darbheṣīkābhiḥ śareṣīkābhir vā samuñjābhiḥ satūlābhir ity ekaikayā traikakubhasyāñjanasya saṃniṣkṛṣya vṛtrasyāsi kanīniketi dakṣiṇam akṣi trir āṅkte 'nyayānyayā niṣevayan savyaṃ ca // (38.1) Par.?

śeṣeṇa patny āṅkte // (39.1) Par.?

darbhapiñjūlais triḥ pāvayaty ekaviṃśatyā tredhā vibhajya citpatis tvety ūrdhvaṃ vācaspatis tvety avāñcaṃ devas tvā savitety ūrdhvam achidreṇa pavitreṇeti sarvatrānuṣajati // (40.1) Par.?

tasya te pavitrapate pavitreṇeti yajamāno japati // (41.1) Par.?

na prāṇān atipāvayet // (42.1) Par.?

yaṃ dviṣyāt tam akṣṇayā pāvayet // (43.1) Par.?

pūrvayā dvārā yajamānaṃ prapādyottareṇāhavanīyaṃ parikramya paścād āhavanīyasyopaveśayati // (44.1) Par.?

pratiprasthātā tūṣṇīṃ patnīṃ pāvayitvāparayā dvārā prapādya dakṣiṇataḥpaścād aparasya patnīlokam upasthāpyopaveśayati // (45.1) Par.?