Texts

amuṃ vā ādityaṃ sarvā vāco gacchanti // (1) Par.?

tā udyati sarvāḥ sṛjyante // (2) Par.?

yad āha yāḥ paśūnām ṛṣabhe vācā iti sṛjyamānāṃ vā etad vācaṃ punar ālabhate // (3) Par.?

vāyave tveti naṣṭām anudiśati varuṇāya tveti apsu magnāṃ rudrāya tveti mahādevāhatāṃ nirṛtyai tvety avasannām indrāya tveti vleṣkahatāṃ yā vā saṃśīyeta marudbhyas tveti hrādunihatām // (4) Par.?

ete vai devā bhṛtyā skannabhāgāḥ // (5) Par.?

tān eva prīṇāti // (6) Par.?

devebhyo vā anyā dakṣiṇā dīyante manuṣyebhyo 'nyāḥ // (7) Par.?

etā vai devebhyaḥ pratyakṣaṃ dakṣiṇā dīyante // (8) Par.?

etābhir vai bhūyo 'varunddhe // (9) Par.?

yad u cetarābhiḥ // (10) Par.?

devāś ca vā asurāś cāspardhanta // (11) Par.?

etāvān vai tarhi yajña āsīd agnihotraṃ darśapaurṇamāsau cāturmāsyāni // (12) Par.?

te devā yajñam apaśyan // (13) Par.?

tenādīkṣanta // (14) Par.?

teṣāṃ yad agnihotram āsīt tad vratam upāyan // (15) Par.?

tasmād dvivratena bhavitavyam // (16) Par.?

dvir hy agnihotraṃ hūyate // (17) Par.?

yad agnīṣomīyaṃ pūrṇamāse havir āsīt tam agnīṣomīyaṃ pūrvedyuḥ paśum ālabhanta // (18) Par.?

yad aindrāgnam amāvāsyāyāṃ tam āgneyaṃ śvo bhūte paśum ālabhanta // (19) Par.?

vaiśvadevaṃ prātaḥsavanam akurvata varuṇapraghāsān mādhyaṃdinaṃ savanaṃ sākamedhān pitṛyajñam // (20) Par.?

tryambakās tat tṛtīyasavanam // (21) Par.?

tasmāt tṛtīyasavane viśvaṃ rūpaṃ śasyate // (22) Par.?

viśvaṃ hy etad rūpam // (23) Par.?

tam eṣāṃ yajñam asurā ṇānvavāyan // (24) Par.?

tena vā enān apānudanta // (25) Par.?

tato devā abhavan parāsurāḥ // (26) Par.?

tad ya evaṃ veda bhavaty ātmanā // (27) Par.?

parāsya bhrātṛvyo bhavati // (28) Par.?

te 'dhvṛto 'yam abhūd ity apākrāman // (29) Par.?

tad adhvarasyādhvaratvam // (30) Par.?

tasmād ekavratena bhavitavyam // (31) Par.?

sakṛddhy agnihotraṃ hūyate // (32) Par.?