Texts

tvaṃ viśvebhyo devebhya ṛtūn kalpaya dakṣiṇāḥ kalpaya yathartu yathādevatam iti sahiraṇyena pāṇinādityam upatiṣṭhate // (1) Par.?

somavikrayiṇe rājānaṃ pradāya taṃ pṛcchati somavikrayin krayyas te somā3 iti // (2) Par.?

krayya iti sa pratyāha // (3) Par.?

daśabhiḥ krīṇāti // (4) Par.?

sapta gāvo hiraṇyaṃ vāso 'jā ca trīṇy etāni // (5) Par.?

daśa gāvo bhavanty athaitāni trīṇīty ekeṣām // (6) Par.?

api vā caturbhir eva // (7) Par.?

gavā caitaiś ca tribhiḥ // (8) Par.?

gavaikaviṃśatidakṣiṇasya // (9) Par.?

triṃśatā sahasradakṣiṇasya // (10) Par.?

saptaviṃśatir gāvo hiraṇyaṃ vāso 'jā ca trīṇy etāni // (11) Par.?

triṃśad gāvo bhavanty athaitāni trīṇīty ekeṣām // (12) Par.?

śatena vājapeye dvābhyāṃ rājasūye sahasreṇāśvamedhe // (13) Par.?

somaṃ te krīṇāmīti krīṇāti // (14) Par.?

somaṃ mahāntaṃ bahvardhaṃ śobhamānam iti voktvaikaikam anudiśati // (15) Par.?

kalayā te krīṇāni kuṣṭhayā te krīṇāni śaphena te krīṇāni padā te krīṇānīti gos trīn pādān prasaṃkhyāya gavā te krīṇānīti gām // (16) Par.?

bhūyo vātaḥ somo rājārhatīti somavikrayy ā saṃpadaḥ pratyāha // (17) Par.?

bhūya evārhatīty adhvaryuḥ // (18) Par.?

śukraṃ te śukreṇa krīṇāmīti hiraṇyam // (19) Par.?

tapasas tanūr asīty ajām // (20) Par.?

dhenvā te krīṇāmīti dhenum // (21) Par.?

ṛṣabheṇa te krīṇāmīty ṛṣabhaṃ vatsatareṇa sāṇḍenety ekeṣām // (22) Par.?

anaḍuhā te krīṇāmīty anaḍvāham // (23) Par.?

mithunābhyāṃ gobhyāṃ krīṇāmīti mithunau gāvau // (24) Par.?

vāsasā te krīṇāmīti vāsaḥ // (25) Par.?

daśabhiḥ sampādayati bhūyasa eke somakrayaṇān āmananti // (26) Par.?