Texts

yat karṇagṛhītayā krīṇīyād vārtraghnī syāt // (1) Par.?

yañ śṛṅgābhihitayā manuṣyadevatyā // (2) Par.?

yat padi baddhayā pitṛdevatyā // (3) Par.?

yad abaddhayāyatā syāt // (4) Par.?

yad āha mitras tvā padi badhnātv iti mitrasyaivaināṃ pāśena yacchati // (5) Par.?

pūṣādhvanaḥ pātv iti // (6) Par.?

iyaṃ vai pūṣā // (7) Par.?

iyam evāsyā adhvānaṃ saṃbharati // (8) Par.?

indrāyādhyakṣāyeti // (9) Par.?

indro vai devānām ojiṣṭhaḥ // (10) Par.?

tam evāsyā adhyakṣam akaḥ // (11) Par.?

anu tvā mātā manyatām anu piteti // (12) Par.?

anumata evainaṃ mātrā pitrā bhrātrā sakhyā krīṇāti // (13) Par.?

sā devi devam acchehīti // (14) Par.?

devī hy eṣā devaḥ somaḥ // (15) Par.?

indrāya somam iti // (16) Par.?

indrāya hy eṣā somam acchaiti // (17) Par.?

rudras tvāvartayatv iti // (18) Par.?

rudram evāsyāḥ parastād dadhāti // (19) Par.?

svasti somasakhā punar ehīti // (20) Par.?

pratyakṣam evālabdha // (21) Par.?

rudrāya vā etat paśūn apidadhāti // (22) Par.?

yad āha rudras tvāvartayatu // (23) Par.?

yad āha svasti somasakhā punar ehīti svastim evāsyai punar āvṛttāyai dadhāti // (24) Par.?

vāg vai somakrayaṇī // (25) Par.?

sā devarūpāṇi praviśati // (26) Par.?

yad āha vasvy asi rudrāsīti // (27) Par.?

idam asīdam asīti // (28) Par.?

vāg vainām etad āha yadyad bhavati // (29) Par.?

yad vā etat kiṃ ca vadaty etāṃ vā etad āptvāvarunddhe // (30) Par.?

ṣaṭ padāny anu niṣkrāmati // (31) Par.?

ṣaḍ vā ahāni vāg vibhajyate // (32) Par.?

na vai ṣaṣṭham ahar vāg ativadati // (33) Par.?

sarvā vai ṣaṣṭhe 'han vāg āpyate // (34) Par.?

yāvaty eva vāk tām āpnoti // (35) Par.?

dakṣiṇenārdhena dakṣiṇam ardham anu niṣkrāmati // (36) Par.?

tasmād dakṣiṇena hastenānnam adyate // (37) Par.?

tasmād dakṣiṇo 'rdha ātmano vīryavattaraḥ // (38) Par.?

tasmād dakṣiṇam ardhaṃ vayāṃsy anu paryāvartante // (39) Par.?

saptame pade juhoti // (40) Par.?

sapta chandāṃsi // (41) Par.?

chandāṃsi vāk // (42) Par.?

yāvaty eva vāk tām āhutyāptvāvarunddhe // (43) Par.?

sapta chandāṃsi // (44) Par.?

sapta hotrāḥ // (45) Par.?

sapta grāmyāḥ paśavaḥ // (46) Par.?

paśūṃs tān evāvarunddhe // (47) Par.?

bṛhaspatiṣ ṭvā sumne ramṇātv iti // (48) Par.?

brahma vai bṛhaspatiḥ // (49) Par.?

brahmaṇaivaināṃ yacchati // (50) Par.?

rudro vasubhir ācaka iti // (51) Par.?

rudram evāsyā vasubhir ākartāram akaḥ // (52) Par.?

pṛthivyās tvā mūrdhann ājigharmīti // (53) Par.?

eṣa vai pṛthivyā mūrdhā yad devayajanam // (54) Par.?

iḍāyās pada iti // (55) Par.?

gaur vā iḍā // (56) Par.?

tasyā vā etat padam // (57) Par.?

ghṛtavati svāheti svāhākāreṇaivaināṃ yacchati // (58) Par.?