Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17708
  • Click on a sentence to show its analysis
  • Keep the mouse pointer over a lemma to show its meanings.
devasya tvā savituḥ prasava iti savitṛprasūta evainām ādatte // (1) Par.?
aśvinor bāhubhyām iti // (2) Par.?
aśvinau vai devānām adhvaryuḥ // (3) Par.?
pūṣṇo hastābhyām iti // (4) Par.?
devatābhir eva // (5) Par.?
abhrir asi nārir asīti // (6) Par.?
krūram iva vā etad yad abhriḥ // (7) Par.?
śamayaty eva // (8) Par.?
idam ahaṃ rakṣaso grīvā apikṛntāmīty āha rakṣasāṃ dhvarāyai rakṣasām antarityai // (9) Par.?
idam ahaṃ some samāno yo 'samāno 'rātīyati tasya grīvā apikṛntāmīti // (10) Par.?
samāno vā hy asamāno vārātīyati // (11) Par.?
sarvam evaitayā paryāpat // (12) Par.?
prāṇā vā uparavāḥ // (13) Par.?
śiro havirdhānam // (14) Par.?
śīrṣan vā ime prāṇāḥ // (15) Par.?
tasmād dhavirdhāne // (16) Par.?
antar vā ime śīrṣan prāṇāḥ // (17) Par.?
tasmād antaḥ // (18) Par.?
catvāro vā ime śīrṣan prāṇāḥ // (19) Par.?
tasmāc catvāraḥ saṃtṛṇṇāḥ paraḥ // (20) Par.?
saṃtṛṇṇā hi paraḥ prāṇāḥ // (21) Par.?
vidhṛtā upariṣṭāt // (22) Par.?
vidhṛtā hīma upariṣṭāt prāṇāḥ // (23) Par.?
pūrvārdhe vā ime mukhasya prāṇāḥ // (24) Par.?
etat khalu vai havirdhānasya pūrvārdhaṃ yad dakṣiṇaṃ havirdhānam // (25) Par.?
tasmād dakṣiṇe havirdhāne // (26) Par.?
bṛhann asi bṛhadrāyā iti // (27) Par.?
devā hy eva bṛhat // (28) Par.?
bṛhatīm indrāya vācaṃ vadeti // (29) Par.?
aindro hi yajñaḥ // (30) Par.?
rakṣohaṇaṃ valagahanam ity āha rakṣasāṃ dhvarāyai rakṣasām antarityai // (31) Par.?
vaiṣṇavīm iti // (32) Par.?
viṣṇur hi yajñaḥ // (33) Par.?
asurā vā etān valagān devebhyaḥ prāṇeṣu nyakhanan // (34) Par.?
tān bāhumātre 'nvavindan // (35) Par.?
tasmād bāhumātraṃ kheyam // (36) Par.?
yad vāva kṛtyā yañ śaphaṃ yad abhicaritaṃ tad etad udvapati // (37) Par.?
prāṇā vā uparavāḥ // (38) Par.?
yad avasiñcati tasmād ima udanvantaḥ prāṇāḥ // (39) Par.?
prāṇā vā uparavāḥ // (40) Par.?
yad avastṛṇāti tasmād ime lomaśāḥ prāṇāḥ // (41) Par.?
atha yad avasiñcaty ava ca stṛṇāti // (42) Par.?
mastiṣko vā eṣa kriyate // (43) Par.?
hanū adhiṣavaṇe // (44) Par.?
śiro havirdhānam // (45) Par.?
śīrṣan vā ime hanū // (46) Par.?
tasmād dhavirdhāne // (47) Par.?
antar vā ime śīrṣan hanū // (48) Par.?
tasmād antaḥ // (49) Par.?
ime vā ete // (50) Par.?
yat saṃtṛndyād ime eva saṃtṛndyāt // (51) Par.?
tat saṃpādye eva // (52) Par.?
dvyaṅgulam antarā kāryam // (53) Par.?
dvyaṅgulaṃ hīdam // (54) Par.?
antarā vai nākeva // (55) Par.?
śiro havirdhānam // (56) Par.?
pṛṣṭham āgnīdhram // (57) Par.?
udaraṃ sadaḥ // (58) Par.?
prāṅ hi yajñaḥ saṃhitaḥ // (59) Par.?
hanū adhiṣavaṇe // (60) Par.?
jihvādhiṣavaṇam // (61) Par.?
grāvāṇo dantāḥ // (62) Par.?
mukhato vā etat prajāpateḥ somaṃ pibanti // (63) Par.?
indro vai vṛtram ahan // (64) Par.?
sa imāṃ prāviśat // (65) Par.?
taṃ devatāḥ praiṣam aicchan // (66) Par.?
tan nāvidan // (67) Par.?
taṃ bhūtāny upāravanta yo no 'dhipatir abhūt tan na vindāmā iti // (68) Par.?
tad uparavāṇām uparavatvam // (69) Par.?
yat tad upāravanta tac caturdhāvastād evaicchan // (70) Par.?
ekadhā paro 'nvavindan // (71) Par.?
tasmāc caturdhāvastāt // (72) Par.?
ekadhā paraḥ // (73) Par.?
yad uparavān anumṛśatīndriyasyāvaruddhyai // (74) Par.?
Duration=0.21583890914917 secs.