Texts

agnīṣomīyasya paśos tantraṃ prakramayati // (1) Par.?

tasya nirūḍhapaśubandhena kalpo vyākhyātaḥ // (2) Par.?

ṣaḍḍhotā paśviṣṭiś cāṅgabhūte na vidyete // (3) Par.?

agnīn anvādhāyātithyāparidhīn idhma upasaṃnahyati // (4) Par.?

agnīn paristīrya pāṇī prakṣālyolaparājīṃ stīrtvā yathārthaṃ pāśukāni pātrāṇi prayunakti // (5) Par.?

yat prāg ājyagrahaṇāt tat kṛtvā pratihṛtya gārhapatye pāśukāny ājyāni gṛhṇāti // (6) Par.?

evā vandasvety upasthe brahmā rājānaṃ kurute // (7) Par.?

ādadate grāvṇo vāyavyāni droṇakalaśaṃ camasān ātithyābarhir idhmam ājyāny agnīṣomīyaṃ cānunayanti // (8) Par.?

ut patnīm ānayanty anv anāṃsi pravartayanti // (9) Par.?

praitu brahmaṇas patnīti neṣṭā patnīm udānayati // (10) Par.?

athāham anukāminīty ānīyamānā japati // (11) Par.?

suprajasas tvā vayam ity apareṇa śālāmukhīyam upaviśya dārśapaurṇamāsikān mantrāñ japati // (12) Par.?

śālāmukhīyaṃ gārhapatyakarmabhyo 'nvavasyanti tasmin gārhapatyakarmāṇi kriyante // (13) Par.?

sam apivratān hvayadhvam iti saṃpreṣyati // (14) Par.?

taṁ hvayante yajamānasyāmātyān // (15) Par.?

adhvaryuṃ yajamāno 'nvārabhate yajamānaṃ patnī patnīṃ yajamānasyāmātyāḥ // (16) Par.?

tān ahatena vāsasā pracchādya pracaraṇyāṃ caturgṛhītaṃ gṛhītvā pracchādanārthasya vāsaso daśāyāṃ hiraṇyaṃ baddhvājye 'vadhāya srugdaṇḍe vāsaso 'ntam upaniyamya śālāmukhīye vaisarjanau juhoti tvaṃ soma tanūkṛdbhya iti pūrvām āhutiṃ juhoti juṣāṇo aptur ājyasya vetu svāheti dvitīyām // (17) Par.?

śeṣam ājyasya karoti // (18) Par.?

śālāmukhīye 'gnipraṇayanāny ādīpayati sikatāś copayamanīr upakalpayata udyacchatīdhmam upayacchaty upayamanīr upayate dhāryamāṇe // (19) Par.?