Texts

Help

Select a text:
Bibliography
Select a chapter:
 (no revisions)
Associated topic(s): Buddhism, Mahāyāna

Show parallels  Show headlines
Use dependency labeler
Chapter id: 3668
  • Click on a sentence to show its analysis
  • Keep the mouse pointer over a lemma to show its meanings.
saṃskārāḥ saṃsaranti cen na nityāḥ saṃsaranti te / (1.1) Par.?
saṃsaranti ca nānityāḥ sattve 'py eṣa samaḥ kramaḥ // (1.2) Par.?
pudgalaḥ saṃsarati cet skandhāyatanadhātuṣu / (2.1) Par.?
pañcadhā mṛgyamāṇo 'sau nāsti kaḥ saṃsariṣyati // (2.2) Par.?
upādānād upādānaṃ saṃsaran vibhavo bhavet / (3.1) Par.?
vibhavaś cānupādānaḥ kaḥ sa kiṃ saṃsariṣyati // (3.2) Par.?
saṃskārāṇāṃ na nirvāṇaṃ kathaṃcid upapadyate / (4.1) Par.?
sattvasyāpi na nirvāṇaṃ kathaṃcid upapadyate // (4.2) Par.?
na badhyante na mucyanta udayavyayadharmiṇaḥ / (5.1) Par.?
saṃskārāḥ pūrvavat sattvo badhyate na na mucyate // (5.2) Par.?
bandhanaṃ ced upādānaṃ sopādāno na badhyate / (6.1) Par.?
badhyate nānupādānaḥ kimavastho 'tha badhyate // (6.2) Par.?
badhnīyād bandhanaṃ kāmaṃ bandhyāt pūrvaṃ bhaved yadi / (7.1) Par.?
na cāsti tac cheṣam uktaṃ gamyamānagatāgataiḥ // (7.2) Par.?
baddho na mucyate tāvad abaddho naiva mucyate / (8.1) Par.?
syātāṃ baddhe mucyamāne yugapad bandhamokṣaṇe // (8.2) Par.?
nirvāsyāmy anupādāno nirvāṇaṃ me bhaviṣyati / (9.1) Par.?
iti yeṣāṃ grahas teṣām upādānamahāgrahaḥ // (9.2) Par.?
na nirvāṇasamāropo na saṃsārāpakarṣaṇam / (10.1) Par.?
yatra kas tatra saṃsāro nirvāṇaṃ kiṃ vikalpyate // (10.2) Par.?
Duration=0.07734489440918 secs.