Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 3675
- Click on a sentence to show its analysis
- Keep the mouse pointer over a lemma to show its meanings.
saṃkalpaprabhavo rāgo dveṣo mohaś ca kathyate / (1.1) Par.?
śubhāśubhaviparyāsān sambhavanti pratītya hi // (1.2) Par.?
śubhāśubhaviparyāsān sambhavanti pratītya ye / (2.1) Par.?
te svabhāvān na vidyante tasmāt kleśā na tattvataḥ // (2.2) Par.?
ātmano 'stitvanāstitve na kathaṃcic ca sidhyataḥ / (3.1) Par.?
taṃ vināstitvanāstitve kleśānāṃ sidhyataḥ katham // (3.2) Par.?
kasyaciddhi bhavantīme kleśāḥ sa ca na sidhyati / (4.1) Par.?
kaścid āho vinā kaṃcit santi kleśā na kasyacit // (4.2) Par.?
svakāyadṛṣṭivat kleśāḥ kliṣṭe santi na pañcadhā / (5.1) Par.?
svakāyadṛṣṭivat kliṣṭaṃ kleśeṣv api na pañcadhā // (5.2) Par.?
svabhāvato na vidyante śubhāśubhaviparyayāḥ / (6.1) Par.?
pratītya katamān kleśāḥ śubhāśubhaviparyayān // (6.2) Par.?
rūpaśabdarasasparśā gandhā dharmāś ca ṣaḍvidham / (7.1) Par.?
vastu rāgasya doṣasya mohasya ca vikalpyate // (7.2) Par.?
rūpaśabdarasasparśā gandhā dharmāś ca kevalāḥ / (8.1) Par.?
gandharvanagarākārā marīcisvapnasaṃnibhāḥ // (8.2) Par.?
aśubhaṃ vā śubhaṃ vāpi kutas teṣu bhaviṣyati / (9.1) Par.?
māyāpuruṣakalpeṣu pratibimbasameṣu ca // (9.2) Par.?
anapekṣya śubhaṃ nāsty aśubhaṃ prajñapayemahi / (10.1) Par.?
yat pratītya śubhaṃ tasmāc chubhaṃ naivopapadyate // (10.2) Par.?
anapekṣyāśubhaṃ nāsti śubhaṃ prajñapayemahi / (11.1) Par.?
yat pratītyāśubhaṃ tasmād aśubhaṃ naiva vidyate // (11.2) Par.?
avidyamāne ca śubhe kuto rāgo bhaviṣyati / (12.1) Par.?
aśubhe 'vidyamāne ca kuto dveṣo bhaviṣyati // (12.2) Par.?
anitye nityam ity evaṃ yadi grāho viparyayaḥ / (13.1) Par.?
nānityaṃ vidyate śūnye kuto grāho viparyayaḥ // (13.2) Par.?
anitye nityam ity evaṃ yadi grāho viparyayaḥ / (14.1) Par.?
anityam ity api grāhaḥ śūnye kiṃ na viparyayaḥ // (14.2) Par.?
yena gṛhṇāti yo grāho grahītā yac ca gṛhyate / (15.1) Par.?
upaśāntāni sarvāṇi tasmād grāho na vidyate // (15.2) Par.?
avidyamāne grāhe ca mithyā vā samyag eva vā / (16.1) Par.?
bhaved viparyayaḥ kasya bhavet kasyāviparyayaḥ // (16.2) Par.?
na cāpi viparītasya sambhavanti viparyayāḥ / (17.1) Par.?
na cāpy aviparītasya sambhavanti viparyayāḥ // (17.2) Par.?
na viparyasyamānasya sambhavanti viparyayāḥ / (18.1) Par.?
vimṛśasva svayaṃ kasya sambhavanti viparyayāḥ // (18.2) Par.?
anutpannāḥ kathaṃ nāma bhaviṣyanti viparyayāḥ / (19.1) Par.?
viparyayeṣv ajāteṣu viparyayagataḥ kutaḥ // (19.2) Par.?
na svato jāyate bhāvaḥ parato naiva jāyate / (20.1) Par.?
na svataḥ parataś ceti viparyayagataḥ kutaḥ // (20.2) Par.?
ātmā ca śuci nityaṃ ca sukhaṃ ca yadi vidyate / (21.1) Par.?
ātmā ca śuci nityaṃ ca sukhaṃ ca na viparyayaḥ // (21.2) Par.?
nātmā ca śuci nityaṃ ca sukhaṃ ca yadi vidyate / (22.1) Par.?
anātmā 'śucy anityaṃ ca naiva duḥkhaṃ ca vidyate // (22.2) Par.?
evaṃ nirudhyate 'vidyā viparyayanirodhanāt / (23.1) Par.?
avidyāyāṃ niruddhāyāṃ saṃskārādyaṃ nirudhyate // (23.2) Par.?
yadi bhūtāḥ svabhāvena kleśāḥ keciddhi kasyacit / (24.1) Par.?
kathaṃ nāma prahīyeran kaḥ svabhāvaṃ prahāsyati // (24.2) Par.?
yady abhūtāḥ svabhāvena kleśāḥ keciddhi kasyacit / (25.1) Par.?
kathaṃ nāma prahīyeran ko 'sadbhāvaṃ prahāsyati // (25.2) Par.?
Duration=0.21689391136169 secs.