Texts

Help

Select a text:
Bibliography
Select a chapter:
 (no revisions)
Associated topic(s): Kashmirian Shivaism

Show parallels  Show headlines
Use dependency labeler
Chapter id: 372
  • Click on a sentence to show its analysis
  • Keep the mouse pointer over a lemma to show its meanings.
triṣv iti proktarūpeṣu jāgarādiṣu tailavat // (1) Par.?
caturtham iti pūrvoktaṃ śuddhavidyāprathātmakam // (2) Par.?
turyaṃ dhāma sadāsecyaṃ yathā syāt tanmayaṃ trayam // (3) Par.?
yathā tailaṃ kramāt svīyam āśrayaṃ vyāpnuyāt tathā // (4) Par.?
ādyantakoṭyoḥ sphuratā jāgarādeḥ parisphuṭam // (5) Par.?
turyānandarasenārdrīkuryān madhyadaśām api // (6) Par.?
jāgrad ityādisūtreṇa pūrvam udyamavattayā // (7) Par.?
śakticakrānusaṃdhānaśālinaḥ parayoginaḥ // (8) Par.?
svarasaprasarajjāgratsvapnasauṣuptabhūmiṣu // (9) Par.?
udīritaḥ svatoniryatturyaprasarasambhavaḥ // (10) Par.?
tritayetyādisūtreṇa śāmbhavopāyasādhitāt // (11) Par.?
haṭhapākakramāj jāgratsvapnasauṣuptasaṃhṛtiḥ // (12) Par.?
darśitānena sūtreṇa tv āṇavopāyayuktitaḥ // (13) Par.?
dalakalpatayāsthāyi jāgradādipadatrayam // (14) Par.?
siñcet turyaraseneti viśeṣaḥ samudīritaḥ // (15) Par.?
atropāyaṃ punaś cāha turyāmṛtaniṣecane // (16) Par.?
Duration=0.054250001907349 secs.