Texts

Help

Select a text:
Bibliography

Select a chapter:
1 revision

Associated topic(s): puṃsavana, sīmantonnayana

Show parallels Show headlines
Use dependency labeler

Chapter id: 4379

Click on a sentence to show its analysis
Keep the mouse pointer over a lemma to show its meanings.

sīmantonnayana

sīmantonnayanaṃ prathame garbhe caturthe māsi // (1) Par.?

brāhmaṇān bhojayitvāśiṣo vācayitvāgner upasamādhānādyājyabhāgānte 'nvārabdhāyāmuttarā āhutīrhutvā jayādi pratipadyate // (2) Par.?

pariṣecanāntaṃ kṛtvāpareṇāgniṃ prācīm upaveśya treṇyā śalalyā tribhir darbhapuñjīlaiḥ śalāluglapsenety ūrdhvaṃ sīmantamunnayati vyāhṛtībhir uttarābhyāṃ ca // (3) Par.?

gāyatamiti vīṇāgāthinau saṃśāsti // (4) Par.?

uttarayoḥ pūrvā sālvānāṃ brāhmaṇānām itarā // (5) Par.?

nadīnirdeśaśca yasyāṃ vasanti // (6) Par.?

yavān virūḍhān ābadhya vācaṃ yacchaty ā nakṣatrebhyaḥ // (7) Par.?

uditeṣu nakṣatreṣu prācīmudīcīṃ vā diśamupaniṣkramya vatsamanvārabhya vyāhṛtīśca japitvā vācaṃ visṛjet // (8) Par.?

puṃsavana

puṃsavanaṃ vyakte garbhe tiṣyeṇa // (9) Par.?

nyagrodhasya yā prācyudīcī vā śākhā tataḥ savṛṣaṇāṃ śuṅgāmāhṛtya sīmantavadagnerupasamādhānādi // (10) Par.?

anavasnātayā kumāryā dṛṣatputre dṛṣatputreṇa peṣayitvā pariplāvyāpareṇāgniṃ prācīmuttānāṃ nipātyottareṇa yajuṣāṅguṣṭhena dakṣiṇe nāsikāchidre 'pinayati // (11) Par.?

pumāṃsaṃ janayati // (12) Par.?

kṣipraṃ suvanam // (13) Par.?

anāprītena śarāveṇānusrotasam udakam āhṛtya pattastūryantīṃ nidhāya mūrdhañchoṣyantīm uttareṇa yajuṣābhimṛśyaitābhir adbhir uttarābhir avokṣet // (14) Par.?

yadi jarāyu na pated evaṃvihitābhir evādbhir uttarābhyām avokṣet // (15) Par.?

Duration=0.14478802680969 secs.