Texts
Select a text:
Bibliography
Bibliography
Select a chapter:
1 revision
Show parallels Show headlines
Use dependency labeler
1 revision
Associated topic(s): prāṇa etc.
Show parallels Show headlines
Use dependency labeler
Chapter id: 7556
- Click on a sentence to show its analysis
- Keep the mouse pointer over a lemma to show its meanings.
tasya ha vā etasya hṛdayasya pañca devasuṣayaḥ / (1.1) Par.?
sa yo 'sya prāṅ suṣiḥ sa prāṇaḥ / (1.2) Par.?
tac cakṣuḥ / (1.3) Par.?
sa ādityaḥ / (1.4) Par.?
tad etat tejo 'nnādyam ity upāsīta / (1.5) Par.?
tejasvy annādo bhavati ya evaṃ veda // (1.6) Par.?
atha yo 'sya dakṣiṇaḥ suṣiḥ sa vyānaḥ / (2.1) Par.?
tac chrotram / (2.2) Par.?
sa candramāḥ / (2.3) Par.?
tad etac chrīś ca yaśaś cety upāsīta / (2.4) Par.?
śrīmān yaśasvī bhavati ya evaṃ veda // (2.5) Par.?
atha yo 'sya pratyaṅ suṣiḥ so 'pānaḥ / (3.1) Par.?
sā vāk / (3.2) Par.?
so 'gniḥ / (3.3) Par.?
tad etad brahmavarcasam annādyam ity upāsīta / (3.4) Par.?
brahmavarcasy annādo bhavati ya evaṃ veda // (3.5) Par.?
atha yo 'syodaṅ suṣiḥ sa samānaḥ / (4.1) Par.?
tan manaḥ / (4.2) Par.?
sa parjanyaḥ / (4.3) Par.?
tad etat kīrtiś ca vyuṣṭiś cetyupāsīta / (4.4) Par.?
kīrtimān vyuṣṭimān bhavati ya evaṃ veda // (4.5) Par.?
atha yo 'syordhvaḥ suṣiḥ sa udānaḥ / (5.1) Par.?
sa vāyuḥ / (5.2) Par.?
sa ākāśaḥ / (5.3) Par.?
tad etad ojaś ca mahaś cety upāsīta / (5.4) Par.?
ojasvī mahasvān bhavati ya evaṃ veda // (5.5) Par.?
te vā ete pañca brahmapuruṣāḥ svargasya lokasya dvārapāḥ / (6.1) Par.?
sa ya etān evaṃ pañca brahmapuruṣān svargasya lokasya dvārapān vedāsya kule vīro jāyate / (6.2) Par.?
pratipadyate svargaṃ lokaṃ ya etān evaṃ pañca brahmapuruṣān svargasya lokasya dvārapān veda // (6.3) Par.?
atha yad ataḥ paro divo jyotir dīpyate viśvataḥpṛṣṭheṣu sarvataḥpṛṣṭheṣv anuttameṣūttameṣu lokeṣv idaṃ vāva tad yad idam asminn antaḥ puruṣe jyotiḥ / (7.1) Par.?
tasyaiṣā dṛṣṭiḥ // (7.2) Par.?
yatraitad asmiñcharīre saṃsparśenoṣṇimānaṃ vijānāti / (8.1) Par.?
tasyaiṣā śrutir yatraitat karṇāv apigṛhya ninadam iva nadathur ivāgner iva jvalata upaśṛṇoti / (8.2) Par.?
tad etad dṛṣṭaṃ ca śrutaṃ cety upāsīta / (8.3) Par.?
cakṣuṣyaḥ śruto bhavati ya evaṃ veda ya evaṃ veda // (8.4) Par.?
Duration=0.12712907791138 secs.